ഭോപ്പാല്: കല്യാണത്തിനിടയില് വൈദ്യുതി പോയി വരന്മാര്ക്ക് വധുക്കളെ മാറിപ്പോയി.മധ്യപ്രദേശിലെ ഉജ്ജയിനിലാണ് സംഭവം നടന്നത്. ഞായറാഴ്ച്ചയായിരുന്നു ഉജ്ജയിനിയിലെ രമേശ് ലാലിന്റെ മക്കളായ നികിതയുടെയും കരിഷ്മയുടെയും വിവാഹം രണ്ട് കുടുംബത്തില് നിന്ന് വന്ന വരന്മാരായ ഗണേഷ്, ദംഗവാര ബോല എന്നിവരുമായി നിശ്ചയിച്ചിരുന്നത്.എന്നാല് ചടങ്ങിനിടെ വൈദ്യതി പോയി.
Â
ഇതോടെ വധുവിനെ വരന്മാര്ക്ക് പരസ്പരം മാറിപ്പോയി.വധുക്കള് രണ്ട് പേരും ഒരേരീതിയില് ഉളള വസ്ത്രങ്ങളായിരുന്നു ധരിച്ചിരുന്നത്.മുഖാവരണവും ഉണ്ടായിരുന്നു.ഇതാണ് വധുവിനെ മാറിപ്പോകാന് കാരണം. വധു മാറിയത് അറിയാതെ കാര്മികത്വം വഹിച്ചിരുന്നു പുരോഹിതന് വധുവിന്റെയും വരന്മാരുടെയും കൈകള് ചേര്ത്ത് വെച്ച് അഗ്നിയ്ക്ക് വലംവെപ്പിക്കുയും ചെയ്തു.
Â
ചടങ്ങിന് ശേഷം വരന്മാരുടെ വീടുകളില് എത്തിയതിന് ശേഷമാണ് വധുമാറിപ്പോയ വിവരം എല്ലാവരും അറിയുന്നത്. ഇതേത്തുടര്ന്ന് കുടുംബാങ്ങള് തമ്മില് ചെറിയ വാക്കേറ്റം ഉണ്ടായെങ്കിലും, എല്ലാം ഉടന് പരിഹരിക്കപ്പെട്ടു.പിറ്റേന്ന് വിവാഹം വീണ്ടും നടത്താന് തീരുമാനമായി.
എന്നാല് മക്കളുടെ വിവാഹം ഉറപ്പിച്ച പ്രകാരം തന്നെയാണ് നടന്നതെന്നും, ശേഷമുളള ചടങ്ങുകള്ക്കിടെയാണ് വധു മാറിപ്പോയതെന്നും യുവതികളുടെ പിതാവ് രമേശ് പറഞ്ഞു.ഒരേ വസ്ത്രം ധരിച്ചതും, മുഖാവരണം ഉണ്ടായിരുന്നതുമാണ് ആശയക്കുഴപ്പത്തിന് കാരണമായത്.
Â
Â
