തിരുവനന്തപുരം: രാജ്യസഭാ എംപിയും ഡിവൈഎഫ്ഐ അഖിലേന്ത്യാ പ്രസിഡന്റുമായ എ.എ.റഹിമിന്റെ കേരളാ യൂണിവേഴ്സിറ്റി ഇസ്ലാമിക് പഠനവിഭാഗത്തിലെ ഫെല്ലോഷിപ്പ് തട്ടിപ്പ് സംബന്ധിച്ചുള്ള നിയമസഭാ ചോദ്യങ്ങൾക്ക് ഉരുണ്ടുകളിച്ച് ഉന്നതവിദ്യാഭ്യാസ മന്ത്രി ആർ. ബിന്ദു. പഠനറിപ്പോർട്ട് സമർപ്പിച്ചുവെന്നോ പണം തിരിച്ചടച്ചുവെന്നോ ഉള്ള ചോദ്യങ്ങൾക്ക് മറുപടിയില്ല. തട്ടിപ്പ് സംബന്ധിച്ച് രജിസ്ട്രാറുടെ അന്വേഷണം സംബന്ധിച്ചും മൗനം. Â മന്ത്രി ബിന്ദുവിന്റേത് അവകാശലംഘനമെന്ന് ആരോപണം. Â
 2022 മാർച്ച് 15ന് ഷാഫി പറമ്പിൽ ഉന്നയിച്ച ചോദ്യത്തിനാണ് റഹിമിന്റെ  ഫെല്ലോഷിപ്പ് സംബന്ധിച്ച് മന്ത്രി മറുപടി നൽകിയത്. ”എ.എ. റഹീം എന്ന ഗവേഷണ വിദ്യാർഥി പ്രബന്ധം സമർപ്പിക്കാതെ ഫെലോഷിപ്പ് കൈപ്പറ്റിയതായി രജിസ്ട്രാറുടെ അന്വേഷണത്തിൽ കണ്ടെത്തിയിട്ടുണ്ടോ. ഈ റിപ്പോർട്ടിന്റെ പകർപ്പ് ലഭ്യമാക്കാമോ” എന്നായിരുന്നു ഷാഫിയുടെ ചോദ്യം. ”എ.എ.റഹിമിന് മൂന്നരവർഷം ഗവേഷണം നടത്തുന്നതിനായി ഫെലോഷിപ്പ് നൽകിയിട്ടുണ്ടെ”ന്നാണ് മറുപടി. രജിസ്ട്രാർ നടത്തിയ അന്വേഷണം സംബന്ധിച്ച് മറുപടിയില്ല. ഫെല്ലോഷിപ്പ് തിരിച്ച് അടച്ചിട്ടുണ്ടോ, ഇക്കാര്യത്തിൽ സർവകലാശാല ഇതുവരെ സ്വീകരിച്ച നടപടികൾ വ്യക്തമാക്കാമോ എന്ന ചോദ്യത്തിന്  ”ഈ തുക തിരിച്ചുപിടിക്കാനുള്ള സാഹചര്യം നിലവിലില്ല” എന്നുമാണ് മറുപടി. പ്രബന്ധം സമർപ്പിച്ചിട്ടുണ്ടോ എന്നോ തുക തിരിച്ചടച്ചുവെന്നോ അന്വേഷണം നടത്തിയതോ വ്യക്തമാക്കാതെ മന്ത്രി ഉരുണ്ടുകളിക്കുകയായിരുന്നു. Â
എന്നാൽ 2017 മുതൽ കേരള സർവകലാശാല രജിസ്ട്രാർ അന്വേഷണം നടത്തിയിരുന്നു. രജിസ്ട്രാർ റിപ്പോർട്ടിലാണ് എ.എ. റഹിം ഫെല്ലോഷിപ്പ് പണം വാങ്ങിയിട്ട് പഠനറിപ്പോർട്ട് സമർപ്പിച്ചിട്ടില്ലെന്ന് വ്യക്തമായത്. അതിന്റെ രേഖകൾ സഹിതം Â ജന്മഭൂമി 2019 ആഗസ്റ്റ് 26 ന് വാർത്ത നൽകിയിരുന്നു. ഇസ്ലാമിക് പഠന വിഭാഗത്തിലേക്ക് 2010 മെയ് 4നാണ് മുഴുവൻ സമയ ഗവേഷണ വിദ്യാർഥിയായി എ.എ. റഹിം രജിസ്റ്റർ ചെയ്തത്. 2011 ജനുവരി 4 മുതൽ ‘ആധുനിക വിദ്യാഭ്യാസവും, അച്ചടി മാധ്യമങ്ങളും കേരളത്തിലെ മുസ്ലിം നവീകരണവും’ എന്ന വിഷയത്തിൽ ഇസ്ലാമിക പഠന വിഭാഗം മേധാവി ഡോ. എസ്. ഷറഫുദീന്റെ മേൽനോട്ടത്തിൽ ഗവേഷണവും ആരംഭിച്ചു. Â 2013ൽ അവസാനിപ്പിക്കേണ്ട ഗവേഷണം പൂർത്തിയാക്കാത്തതിനാൽ 2015 മെയ് 4 വരെ നീട്ടിനൽകി. അഞ്ചുവർഷം അവസാനിച്ചതോടെ രാഷ്ട്രീയ സ്വാധീനം ഉപയോഗിച്ച് രണ്ട് വർഷം കൂടി നീട്ടി വാങ്ങി. 2010 മെയ് 4 മുതൽ 2013 നവംബർ 2 വരെയുള്ള ഫെലോഷിപ്പ് 3,44,744 രൂപ കൈപ്പറ്റുകയും ചെയ്തു. വിവരാവകാശരേഖ അനുസരിച്ച് 2018 വരെ ഗവേഷണ പ്രബന്ധം സർവകലാശാലയ്ക്ക് സമർപ്പിച്ചില്ല. Â
മുഴുവൻ സമയ ഗവേഷണ വിദ്യാർഥി ആയിരിക്കെ Â 2011ലെ നിയമസഭാ തെരഞ്ഞെടുപ്പിൽ വർക്കലയിൽ റഹിം മത്സരിച്ചു. 2014ലെ ലോക്സഭാ തെരഞ്ഞെടുപ്പ് വേളയിൽ സജീവമായി പ്രചാരണ രംഗത്തും ഉണ്ടായി. എന്നാൽ ആ സമയത്തെ ഹാജർ അടക്കം ലഭിക്കുകയും ഫെലോഷിപ്പ് തുക കൈപ്പറ്റുകയും തെയ്തു. അതിനെ കുറിച്ചുള്ള അന്വേഷണത്തിൽ ഹാജർബുക്ക് തിരിച്ചെടുക്കാനാകാത്ത വിധം നശിച്ചുപോയെന്നാണ് ഇസ്ലാമിക Â പഠന വിഭാഗത്തിൽ നിന്നും രജിസ്ട്രാർക്ക് നൽകിയ മറുപടി. ഇതിൽ തൃപ്തനാകാത്ത രജിസ്ട്രാർ വീണ്ടും വകുപ്പ് മേധാവിക്ക് കത്ത് അയയ്ക്കുകയും ചെയ്തിരുന്നു. പിന്നീട് അന്വേഷണം രാഷ്ട്രീയ സ്വാധീനത്താൽ നിർത്തിവച്ചു. ഇത്രയും അന്വേഷണം ഇതു സംബന്ധിച്ച് ഉണ്ടായിട്ടും നിയമസഭാ ചോദ്യങ്ങൾക്ക് മന്ത്രി മറുപടി നൽകാതെ ഒഴിഞ്ഞുമാറുകയായിരുന്നു.
Â
Â
Â
ജന്മഭൂമി ഓണ്ലൈന്