ശ്രീനഗര്: ജമ്മു കശ്മീരില് ഏറ്റുമുട്ടലില് സുരക്ഷാസേന മൂന്ന് ഭീകരരെ വധിച്ചു. അനന്ത്നാഗിലെ പഹല്ഗാം ശ്രീചന്ദ് വനമേഖലയില് ഇന്നലെ രാവിലെയാണ് ഏറ്റുമുട്ടലുണ്ടായത്. ഹിസ്ബുള് മുജാഹിദ്ദീന് ഭീകരരാണ് കൊല്ലപ്പെട്ടതെന്നാണ് പ്രാഥമിക നിഗമനം. ഇവര് അമര്നാഥ് യാത്ര അട്ടിമറിക്കാന് പദ്ധതിയിട്ടിരുന്നതായാണ് വിവരം.
അഷ്റഫ് മോല്വിയെന്ന ഒരു ഭീകരനെ തിരിച്ചറിഞ്ഞിട്ടുള്ളത്, ഇയാള് ഹിസ്ബുള് മുജാഹിദ്ദീനിലെ ഭീകരനാണെന്നും കശ്മീര് ഐജി വിജയ് കുമാര് പറഞ്ഞു. മറ്റുള്ള ഭീകരരെ തിരിച്ചറിയാനുള്ള ശ്രമങ്ങള് തുടരുകയാണ്. വനമേഖലയില് ഭീകരരുടെ സാന്നിധ്യമുണ്ടെന്ന് രഹസ്യവിവരം ലഭിച്ചിരുന്നു. ഇതിന് പിന്നാലെ സുരക്ഷാസേന പ്രദേശത്ത് പരിശോധനയ്ക്കായി എത്തിയപ്പോഴാണ് ഏറ്റുമുട്ടലുണ്ടായത്.
