ന്യൂദല്‍ഹി: രാജ്യതലസ്ഥാനത്ത് സ്ത്രീയ്‌ക്ക് നേരെ ആക്രമണം.ദല്‍ഹിയിലെ അമര്‍ കോളനിയില്‍ ഒരു യുവതിയെ രണ്ട് പുരുഷന്‍മാര്‍ ചേര്‍ന്ന് റോഡിലൂടെ വലിച്ചിഴയ്‌ക്കുന്നതിന്റെ വിഡിയോ ആണ് ദല്‍ഹി പോലീസ് പുറത്ത് വിട്ടത്.വേഗത്തില്‍ ഓടുന്ന കാറിന്റെ വശത്തിലൂടെ യുവതിയെ റോഡില്‍ വലിച്ചിഴയ്‌ക്കുന്നതാണ് വീഡിയോയില്‍ കാണുന്നത്.
Â
കാറില്‍ ഉണ്ടായിരുന്ന പുരുഷന്‍മാര്‍ തമ്മില്‍ ഉണ്ടായ തര്‍ക്കം പരിഹരിക്കാനാണ് യുവതി ശ്രമിച്ചത്.എന്നാല്‍ പുരുഷന്‍മാരില്‍ ഒരാള്‍ യുവതിയെ മര്‍ദ്ദിക്കുകയും അസഭ്യം പറയുകയും ചെയ്തു.പിന്നീട് പുരുഷന്‍മാര്‍ കാറില്‍ കയറുകയും ഉടന്‍ കാറെടുത്ത് യുവതിയെ കാറിനോട് ചേര്‍ത്ത് വലിച്ചിഴയ്‌ക്കുകയുമായിരുന്നു.
Â
ദല്‍ഹി പോലീസിന്റെ ഔദ്യോഗിക ട്വിറ്റര്‍ പേജിലൂടെയാണ് വീഡിയോ പുറത്ത് വിട്ടത്.’അമര്‍ കോളനി പരിസരത്ത് വനിതയ്‌ക്ക് നേരെ ആക്രമണമുണ്ടായി, ബെലീനോ കാര്‍ ഉപയോഗിച്ചാണ് ആക്രമണം നടന്നിരിക്കുന്നത്, ആക്രമം നടന്ന ദിവസം തന്നെ കാര്‍ കസ്റ്റഡിയില്‍ എടുത്തു.പ്രതിയെ അറസ്റ്റ് ചെയ്തു’ ദല്‍ഹി പോലീസ് പറഞ്ഞു
Â
സംഭവത്തില്‍ അന്വേഷണം പുരോഗമിക്കുകയാണ്.വാഹന ഉടമയ്‌ക്കെതിരെ എഫ്‌ഐആര്‍ രജിസ്റ്റര്‍ ചെയ്തതായി പോലീസ് അറിയിച്ചു.വാഹനവും പോലീസ് കസ്റ്റഡിയില്‍ എടുത്തു.
പ്രതികരിക്കാൻ ഇവിടെ എഴുതുക: