മുംബൈ : കള്ളപ്പണ ഇടപാടുമായി ബന്ധപ്പെട്ട് എന്ഫോഴ്സ്മെന്റ് അറസ്റ്റ് ചെയ്ത എന്സിപി മന്ത്രി നവാബ് മാലിക്കിന്റെ ആരോഗ്യം തൃപ്തികരമെന്ന് ആശുപത്രി വൃത്തങ്ങള്. വൃക്ക സംബന്ധായ ആസുഖങ്ങളെ തുടര്ന്ന് ചികിത്സയിലുള്ള നവാബ് മാലിക്കിനെ ആരോഗ്യ നില മോശമായതിനെ തുടര്ന്ന് ഐസിയുവിലേക്ക് മാറ്റിയിരുന്നു.
എന്നാല് നിലവില് അദ്ദേഹത്തിന്റെ ആരോഗ്യം തൃപ്തികരമാണെന്നും ഐസിയുവില് നിരീക്ഷണത്തിലാണ്. ആശുപത്രിയില് എത്തിച്ചപ്പോള് അദ്ദേഹത്തിന് കടുത്ത വയറുവേദന ഉണ്ടായിരുന്നെന്നും അദ്ദേഹത്തിന്റെ രക്ത സമ്മര്ദ്ദം സാധാരണ ഗതിയില് ആയിരുന്നില്ലെന്നും ജെജെ ആശുപത്രി മെഡിക്കല് സൂപ്രണ്ടന്റ് സഞ്ജയ്് സുരസ് അറിയിച്ചു
കള്ളപ്പണം വെളുപ്പിക്കല് കേസില് ഫെബ്രുവരി 23 നാണ് മഹാരാഷ്ട്ര സര്ക്കാരിലെ ന്യൂനപക്ഷ ക്ഷേമമന്ത്രിയും എന്സിപി നേതാവുമായ നവാബ് മാലിക്കിനെ ഇഡി അറസ്റ്റ് ചെയ്യുന്നത്. ചോദ്യം ചെയ്യാന് വിളിച്ച് വരുത്തിയ ശേഷമാണ് അറസ്റ്റ് രേഖപ്പെടുത്തിയത്. അമുന് ആഭ്യന്തരമന്ത്രി അനില് ദേശ്മുഖിനെയും നേരത്തെ അറസ്റ്റ് ചെയ്തിട്ടുണ്ട്.
