ലക്നൗ: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥുമായി കൂടിക്കാഴ്ച്ച നടത്തി ബോളിവുഡ് നടി കങ്കണ റണാവത്ത്. ഉത്തര്‍പ്രദേശിലെ വണ്‍ ഡിസ്ട്രിക്റ്റ് വണ്‍ പ്രൊഡക്ട് പദ്ധതിയുടെ ബ്രാന്‍ഡ് അംബാസഡറായാണ് കങ്കണ മുഖ്യമന്ത്രിയെ കണ്ടത്. ഇതിന്റെ ചിത്രവും താരം സമൂഹമാധ്യമങ്ങളില്‍ പങ്കുവച്ചു.
‘എനിക്ക് മഹാരാജാവിനെ കാണാനുള്ള മഹാഭാഗ്യം ലഭിച്ചു’ എന്നാണ് കങ്കണ ഫേസ്ബുക്കില്‍ കുറിച്ചത്. യോഗി ആദിത്യനാഥ് എപ്പോഴും തന്നെ വിസ്മയിപ്പിച്ചുകൊണ്ടിരിക്കുന്നുവെന്നും കൂടിക്കാഴ്‌ച്ചയ്‌ക്ക് ശേഷം കങ്കണ റണാവത്ത് പറഞ്ഞു.
‘തിരഞ്ഞെടുപ്പുകളിലെ വന്‍ വിജയത്തിന് ശേഷം മഹാരാജ് യോഗി ആദിത്യനാഥ് ജിയെ കാണാന്‍ ഇന്ന് എനിക്ക് മഹാ ഭാഗ്യമുണ്ടായി. ഒരു നല്ല സായാഹ്നമായിരുന്നു അത്. മഹാരാജ് ജിയുടെ അനുകമ്പയും ഉത്കണ്ഠയും ആഴത്തിലുള്ള ബോധവും എന്നെ അത്ഭുതപ്പെടുത്താറില്ല, അദ്ദേഹം ഇപ്പോഴും എന്നെ വിസ്മയിപ്പിച്ചികൊണ്ടിരിക്കുകയാണ്. ബഹുമാനവും പ്രചോദനവും തോന്നുന്നു. കങ്കണ കുറിച്ചു.
പ്രതികരിക്കാൻ ഇവിടെ എഴുതുക: