കല്‍പ്പറ്റ: വയനാട് ജില്ലയില്‍ നിന്നും കുഴിച്ചിട്ട നിലയില്‍ മാരക സ്‌ഫോടന വസ്തുക്കള്‍ കണ്ടെടുത്തു. ഒരാളെ പോലീസ് കസ്റ്റഡിയില്‍ എടുത്തു. കെപ്പഞ്ചേരി തങ്ങളത്ത് അഷ്‌റഫ് (47) ആണ് പിടിയിലായത്. നിലമ്പൂര്‍ പോലീസ് സ്‌റ്റേഷനില്‍ രജിസ്റ്റര്‍ ചെയ്ത മോഷണക്കേസിലെ തെളിവെടുപ്പിനിടെയാണ് സുല്‍ത്താന്‍ ബത്തേരിയില്‍ നിന്ന് ജലാറ്റിന്‍ സ്റ്റിക്കുകളും ഫ്യൂസ് വയറുകളും കണ്ടെടുത്തത്. കേസില്‍ ഉള്‍പ്പെട്ട മറ്റൊരാളും കസ്റ്റഡിയിലുള്ള അഷ്‌റഫിന്റെ സഹോദരനുമായ നൗഷാദിന്റെ ബന്ധുവിന്റെ പറമ്പില്‍ നിന്നാണ് സ്‌ഫോടകവസ്തുക്കള്‍ കണ്ടെടുത്തത്.
ഒമ്പത് ജലാറ്റിന്‍ സ്റ്റിക്കുകളും അഞ്ചര മീറ്റര്‍ ഫ്യൂസ് വയറും 4 മൊബൈല്‍ ഫോണുമാണ് കുഴിച്ചിട്ട നിലയില്‍ കണ്ടെടുത്തത്. സംഭവ സ്ഥലത്ത് ബോംബ് ഡോഗ് സ്‌ക്വാഡുകള്‍ പരിശോധന നടത്തി. കേരളാ പോലീസ് കേന്ദ്ര ആഭ്യന്തരവകുപ്പിന് പ്രാഥമിക വിവര റിപ്പോര്‍ട്ട് കൈമാറിയിട്ടുണ്ട്. വന്‍ സ്‌ഫോടനം നടത്താന്‍ പദ്ധതിയിട്ടാണ് സ്‌ഫോടക വസ്തുകള്‍ കുഴിച്ചിടതെന്നാണ് പോലീസ് അനുമാനം. കൂടുതല്‍ പോലീസ് സേനയെത്തി സമീപ സ്ഥലങ്ങളിലും പരിശോധന നടത്തുന്നുണ്ട്.
പ്രതികരിക്കാൻ ഇവിടെ എഴുതുക: