തൃപ്പൂണിത്തുറ: 1973ല്‍ ആദ്യ സന്തോഷ് ട്രോഫി നേടിയ കേരള ടീമില്‍ അംഗമായിരുന്ന ഫുട്‌ബോള്‍ താരം ബി. ദേവാനന്ദ് (71) അന്തരിച്ചു. തൃപ്പൂണിത്തുറ കരിങ്ങാച്ചിറയിലെ അപ്പാര്‍ട്ട്‌മെന്റില്‍ ഇന്നലെ രാവിലെ 10 മണിയോടെയായിരുന്നു അന്ത്യം. ഹൃദയസ്തംഭനമാണ് മരണകാരണം. ലിംബ് ഇസ്‌കിമീയ ബാധിച്ച ചികിത്സയിലായിരുന്നു. ഈ മാസം പതിനേഴിന് ദേവാനദിന്റെ ഇടതു കാല്‍ മുറിച്ചുനീക്കിയിരുന്നു.
കണ്ണൂര്‍ ബ്രദേഴ്‌സ് ക്ലബ്ബിനു വേണ്ടി കളി തുടങ്ങിയ ദേവാനന്ദ്, കാലിക്കറ്റ് യൂണിവേഴ്‌സിറ്റി ടീമിനെ നയിച്ചു. 1972 സന്തോഷ് ട്രോഫി ടീമിലും കളിച്ചു. സ്റ്റോപ്പര്‍ ബാക്ക് ആയാണ് തിളങ്ങിയത്. 1975 ബോംബെ ടാറ്റാസ് ടീമിലെത്തിയ ദേവാനന്ദ്, പിന്നീട് താജ് ഹോട്ടലില്‍ ഉദ്യോഗസ്ഥനായാണ് വിരമിച്ചത്. ഭാര്യ: ശ്യാമ. മകന്‍: നിഖില്‍. മട്ടാഞ്ചേരി ശ്മശാനത്തില്‍ സംസ്‌കാരം നടത്തി.
പ്രതികരിക്കാൻ ഇവിടെ എഴുതുക: