കോഴിക്കോട്: ഹൂതി വിമതര്‍ ബന്ദികളാക്കിയ മൂന്ന് മലയാളികളെ മോചിപ്പിച്ചു. കോട്ടയം സ്വദേശി ശ്രീജിത്ത്, ആലപ്പുഴ സ്വദേശി അഖില്‍, കോഴിക്കോട് സ്വദേശി ദിപാഷ് എന്നിവരെയാണ് മോചിപ്പിച്ചത്.
ഇവര്‍ ജോലി ചെയ്തിരുന്ന കപ്പല്‍ ജനുവരിയില്‍ ഹൂതി വിമതര്‍ തട്ടിയെടുക്കുകയായിരുന്നു. യുഎഇ കമ്പനിയുടെതായിരുന്നു കപ്പല്‍. കഴിഞ്ഞ നാല് മാസമായി ഇവര്‍ ബന്ദികളായിരുന്നു. ഇവരടക്കം മൊത്തം 11 ഇന്ത്യക്കാരാണ് കപ്പലില്‍ ജോലിക്കാരായിയുണ്ടായിരുന്നത്. നയതന്ത്ര തലത്തില്‍ ഇവരുടെ മോചനത്തിനായുള്ള ശ്രമങ്ങള്‍ തുടരുന്നതിനിടെയാണ് മൂന്നുപേരേയും വിട്ടയച്ചത്. ഇതു സംബന്ധിച്ച് വീട്ടുകാര്‍ക്ക് വിവരം ലഭിച്ചു. ഇവര്‍ ഉടനെ നാട്ടില്‍ തിരിച്ചെത്തും.
പ്രതികരിക്കാൻ ഇവിടെ എഴുതുക: