പാലക്കാട് : ആര്‍എസ്എസ് മുന്‍ ശാരീരിക് ശിക്ഷണ്‍ പ്രമുഖ് ശ്രീനിവാസനെ കൊലപ്പെടുത്തിയ സംഭവത്തില്‍ കൊലയാളി സംഘത്തിലെ ഒരാള്‍ കൂടി പിടിയില്‍. കോങ്ങാട് സ്വദേശി ബിലാലാണ് കസ്റ്റഡിയിലുള്ളത്. കൊലപാതകത്തില്‍ നേരിട്ട് പങ്കെടുത്തയാളാണ് പിടിയിലായതെന്നാണ് സൂചന.
മൂന്ന് ബൈക്കുകളിലായി പോയ ആറംഗത്തിലെ ഒരാളാണ് പിടിയിലായത്. ഇതോടോ ശ്രീനിവാസന്‍ കൊലപാതക കേസില്‍ അറസ്റ്റിലായവരുടെ എണ്ണം പത്തായി. അറസ്റ്റിലായവരില്‍ ഒരാള്‍ പള്ളിയിലെ ഇമാമാണ്. കൊലപ്പെടുത്തുന്നതിനുള്ള ഗൂഢാലോചനയില്‍ ഇയാള്‍ക്ക് മുഖ്യ പങ്കുള്ളതായി കണ്ടെത്തിയതിന്റെ അടിസ്ഥാനത്തിലായിരുന്നു അറസ്റ്റ്. പിടിയിലായവരില്‍ നാലുപേരെ വ്യാഴാഴ്ചയും, ഇമാം ഉള്‍പ്പെടെ മൂന്ന് പേരെ വെള്ളിയാഴ്ചയുമാണ് അറസ്റ്റ് ചെയ്തത്.
അതേസമയം മൂന്ന് പേര്‍ കൂടി പിടിയിലായെങ്കിലും ഇവരെ കുറിച്ചുള്ള വിവരങ്ങള്‍ പുറത്തുവിട്ടിട്ടില്ല. അറസ്റ്റിലായവര്‍ കൊലപാതകത്തിനുള്ള ഗൂഢാലോചനയിലും, പ്രതികളെ രക്ഷപ്പെടാനും സഹായിച്ചവര്‍ ആണ്. സംഭവത്തില്‍ കൃത്യത്തില്‍ നേരിട്ട പങ്കെടുത്ത പ്രതിയെയാണ് ഇപ്പോള്‍ പിടികൂടിയിരിക്കുന്നത്. കേസില്‍ കഴിഞ്ഞ ദിവസം അറസ്റ്റിലായ ശംഖുവാരത്തോട് പള്ളി ഇമാം സദ്ദാം ഹുസൈന്‍, അഷ്ഫാഹ്, അഷ്‌റഫ് എന്നിവരെ റിമാന്‍ഡ് ചെയ്തു. 14 ദിവസത്തേക്കാണ് റിമാന്‍ഡ് ചെയ്തത്.
പ്രതികരിക്കാൻ ഇവിടെ എഴുതുക: