തിയറ്ററുകളില് വന് വിജയമായി തീര്ന്ന കെജിഎഫ് ചാപ്റ്റര് രണ്ട് ഒടിടി റിലീസിന് ഒരുങ്ങുന്നു. ചിത്രം ആമസോണ് പ്രൈം വീഡിയോയിലൂടെ മെയ് 27 ന് സ്ട്രീമിംഗ് ആരംഭിക്കുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു. ഏപ്രില് 14നാണ് ചിത്രം തിയേറ്ററുകളില് പ്രദര്ശനത്തിന് എത്തിയത്.
കെജിഎഫ് ചാപ്റ്റര് രണ്ട് മികച്ച പ്രതികരണങ്ങളോടെ ബോക്സ് ഓഫീസില് കുതിപ്പ് തുടരുകയാണ്. പുതിയ റിപ്പോര്ട്ട് അനുസരിച്ച് 645 കോടി കളക്ഷനാണ് ചിത്രം ആഗോള തലത്തില്നേടിയിരിക്കുന്നത്. ഇന്നലെ ഒരു ദിവസത്തെ കളക്ഷന് മാത്രം 16 കോടിയാണ്. ബാഹുബലി രണ്ട്, ദംഗല് എന്നീ സിനിമയുടെ റെക്കോര്ഡുകള് പിന്തള്ളിയാണ് കെജിഎഫിന്റെ കുതിപ്പ്.
കന്നട, മലയാളം, തമിഴ്, തെലുഗു, ഹിന്ദി എന്നീ ഭാഷകളുടെ ഒടിടി അവകാശമാണ് ആമസോണ് എടുത്തിരിക്കുന്നത്. തീയേറ്ററിന് പുറമെ ഒടിടിയിലും റോക്കി ഭായ് തൂഫാന് അടിക്കും എന്നാണ് പ്രതീക്ഷ.
