അഹമ്മദാബാദ്: വഡ്ഗാം എംഎല്‍എയും കോണ്‍ഗ്രസ് സഹയാത്രികനുമായ ജിഗ്‌നേഷ് മേവാനിയെ അറസ്റ്റ് ചെയ്ത് അസം പോലീസ്. ബുധനാഴ്ച രാത്രി 11.30 ഓടെയാണ് പാലന്‍പൂരിലെ സര്‍ക്യൂട്ട് ഹൗസില്‍ നിന്ന് മെവാനിയെ പോലീസ് അറസ്റ്റ് ചെയ്തത്. സമുദായങ്ങള്‍ക്കിടയില്‍ വിദ്വേഷം ജനിപ്പിക്കുന്ന പ്രവര്‍ത്തിക്കള്‍ക്കെതിരായ ഇന്ത്യന്‍ ശിക്ഷാ നിയമത്തിലെ 153 A വകുപ്പ് പ്രകാരമാണ് ജിഗ്‌നേഷ് മേവാനിക്കെതിരെ പോലീസ് എഫ്‌ഐആര്‍ രജിസ്റ്റര്‍ ചെയ്തിരിക്കുന്നത്.
അസമിലെ കൊക്രജാര്‍ പോലീസ് സ്‌റ്റേഷനിലാണ് കേസ് രജിസ്റ്റര്‍ ചെയ്തിരിക്കുന്നത്. അതിനാല്‍ മെവാനിയെ ഇന്നുതന്നെ ഗുവാഹത്തിയിലേക്ക് കൊണ്ടുപോകും.
കന്നയ്യ കുമാറിന്റെ ഒപ്പം മേവാനി കോണ്‍ഗ്രസില്‍ ചേരുമെന്ന് പ്രതീക്ഷിച്ചിരുന്നുവെങ്കിലും അത് ഉണ്ടായിരുന്നില്ല. എന്നാല്‍ കോണ്‍ഗ്രസിനെ സംസ്ഥാനത്ത് അകമഴിഞ്ഞ് മെവാനി സഹായിച്ചു. അറസ്റ്റിനെ തുടര്‍ന്ന് ഗുജറാത്ത് പിസിസി അധ്യക്ഷന്‍ ജഗദീഷ് ഠാക്കൂറും സംഘവും അഹമ്മദാബാദ് വിമാനത്താവളത്തിലെത്തി മുദ്രാവാക്യം വിളിച്ചു.
പ്രതികരിക്കാൻ ഇവിടെ എഴുതുക: