ലിസ്ബണ്: ഫുട്ബോള് ഇതുഹാസം ക്രിസ്റ്റ്യാനോ റൊണാള്ഡോയുടെ ആണ്കുഞ്ഞ് മരിച്ചു. ഇരട്ടക്കുട്ടികളിലെ ആണ്കുഞ്ഞാണ് മരിച്ചതെന്ന് താരം ട്വിറ്ററിലൂടെ കുറിച്ചു. പെണ്കുട്ടിയെ മാത്രമാണ് രക്ഷിക്കാനായതെന്നും ഒരു രക്ഷിതാവെന്ന നിലയില് ഏറ്റവും വിഷമകരമായ ഘട്ടത്തിലൂടെയാണ് കടന്നുപോകുന്നതെന്നും താരം കുറിച്ചു.
റൊണാള്ഡോയും പങ്കാളി ജോര്ജിന റോഡ്രിഗസും ഇരട്ടക്കുട്ടികള്ക്കായി കാത്തിരിക്കുകയായിരുന്നു. ജോര്ജിന ഗര്ണിയാണെന്നും ഇരട്ടക്കുട്ടികള് പിറക്കുന്നതിനായി ഇരുവരും കാത്തിരിക്കുകയാണെന്നും റൊണാള്ഡോ നേരത്തെ സമൂഹ മാധ്യമങ്ങളിലൂടെ അറിയിച്ചിരുന്നു.ഇതിലെ ആണ്കുഞ്ഞാണ് പ്രസവത്തിനിടെ മരിച്ചത്.
പെണ്കുഞ്ഞിന്റെ ജനനമാണ് ഈ നിമിഷത്തില് ജീവിക്കാനുള്ള ശക്തി നല്കുന്നതെന്നും റൊണാള്ഡോ ഇന്സ്റ്റഗ്രാമിലൂടെ പറഞ്ഞു. കൃത്യമായ പരിചരണവും കരുതലും നല്കുന്ന ഡോക്ടര്മാര്ക്കും നഴ്സുമാര്ക്കും താരം നന്ദി അറിയിച്ചിട്ടുമുണ്ട്. തങ്ങളുടെ ആണ്കുഞ്ഞ് ഒരു മാലാഖയാണെന്നും അവനെ എക്കാലവും തങ്ങള് സ്നേഹത്തോടെ ഓര്ക്കുമെന്നും റൊണോള്ഡോ കൂട്ടിച്ചേര്ത്തു.
