ഇരിങ്ങാലക്കുട: മണ്ഡലത്തിലെ ബിജെപി പ്രവര്‍ത്തകര്‍ക്ക് സുരേഷ് ഗോപി എംപി വിഷുക്കൈനീട്ടം നല്കി. ഇരിങ്ങാലക്കുട മണ്ഡലം കമ്മറ്റിയുടെ നേതൃത്വത്തില്‍ എസ്എന്‍ ക്ലബ്ബ് ഹാളില്‍ സംഘടിപ്പിച്ച പരിപാടിയില്‍ ആയിരത്തിലധികം പേര്‍ക്ക് എംപി വിഷുക്കൈനീട്ടവും വിഷുകാര്‍ഡും കണിക്കൊന്നയും നല്കി. മണ്ഡലം പ്രസിഡന്റ് കൃപേഷ് ചെമ്മണ്ട പരിപാടിയില്‍ അധ്യക്ഷനായി. സംസ്ഥാന വൈസ് പ്രസിഡന്റ് അഡ്വ. ബി. ഗോപാലകൃഷ്ണന്‍ മുഖ്യപ്രഭാഷണം നടത്തി. ജില്ലാ പ്രസിഡന്റ് അഡ്വ. കെ.കെ. അനീഷ്‌കുമാര്‍, ജില്ലാ വൈസ് പ്രസിഡന്റുമാരായ കവിത ബിജു, എന്‍. ആര്‍. റോഷന്‍, ആളൂര്‍ മണ്ഡലം പ്രസിഡന്റ് പി.എസ്. സുഭീഷ്, സ്റ്റേറ്റ് കമ്മറ്റിയംഗം സന്തോഷ് ചെറാക്കുളം തുടങ്ങിയവര്‍ സംസാരിച്ചു.
ചാലക്കുടി: കൊരട്ടി, ചാലക്കുടി മണ്ഡലങ്ങളിലെ ബൂത്ത് ഭാരവാഹികള്‍ അടക്കമുള്ളവര്‍ക്ക് എംപി കൈനീട്ടം നല്കി. ചാലക്കുടി എസ്എന്‍ ഹാളില്‍ നടന്ന പരിപാടിയില്‍ മണ്ഡലം പ്രസിഡന്റ് ടി.വി. പ്രജിത്ത് അധ്യക്ഷനായി. സംസ്ഥാന വക്താവ് ടി.പി. സിന്ധുമോള്‍ മുഖ്യപ്രഭാഷണം നടത്തി. സംസ്ഥാന സെക്രട്ടറി എ. നാഗേഷ്, ജില്ലാ പ്രസിഡന്റ് അഡ്വ. കെ.കെ. അനീഷ് കുമാര്‍, ജില്ലാ ജന. സെക്രട്ടറി ജസ്റ്റിന്‍ ജേക്കബ്ബ്, ജില്ലാ സെക്രട്ടറി എന്‍.ആര്‍. റോഷന്‍, മണ്ഡലം പ്രസിഡന്റ് സജീവ് പള്ളത്ത് തുടങ്ങിയവര്‍ സംസാരിച്ചു.
ചെറുതുരുത്തി: തോന്നുര്‍ക്കര റോയല്‍ ഓഡിറ്റോറിയത്തില്‍ നടന്ന പരിപാടിയില്‍ ചേലക്കര മണ്ഡലത്തിലെ പ്രവര്‍ത്തകര്‍ക്ക് കൈനീട്ടം നല്കി. വരവൂര്‍ പഞ്ചായത്ത് ചങ്കരത്ത് കോളനിയില്‍ ഇരു വൃക്കകളും തകരാറിലായി ചികിത്സയില്‍ കഴിയുന്ന ഷാജിയെ സഹായിക്കാന്‍ ബിജെപി വരവൂര്‍ പഞ്ചായത്ത് കമ്മിറ്റി സ്വരൂപിച്ച തുക കുട്ടന്റെ ഭാര്യ സജിനിക്ക് എംപി കൈമാറി. ജില്ലാ അധ്യക്ഷന്‍ അഡ്വ. കെ.കെ. അനീഷ് കുമാര്‍, ചേലക്കര, ചെറുതുരുത്തി മണ്ഡലം പ്രസിഡന്റുമാരായ പി.എസ്. കണ്ണന്‍, പി.ആര്‍. രാജ്കുമാര്‍, എസ്‌സി മോര്‍ച്ച ജില്ലാ പ്രസിഡന്റ് വി.സി. ഷാജി, ജില്ലാ ജന. സെക്രട്ടറി ജസ്റ്റിന്‍, സെക്രട്ടറി ധന്യ രാമചന്ദ്രന്‍ തുടങ്ങിയവര്‍ സംസാരിച്ചു.
അന്തിക്കാട്: കാഞ്ഞാണി മരിയ ഓഡിറ്റോറിയത്തില്‍ നടന്ന പരിപാടിയില്‍ മണലൂര്‍ മണ്ഡലത്തിലെ മുഴുവന്‍ ബൂത്ത് പ്രസിഡന്റുമാര്‍ക്കും കൈനീട്ടം നല്കി. പരിപാടി ജില്ലാ പ്രസിഡന്റ് അഡ്വ. കെ.കെ. അനീഷ് കുമാര്‍ ഉദ്ഘാടനം ചെയ്തു. മണ്ഡലം പ്രസിഡന്റ് കെ.എസ്. ധനീഷ് അധ്യക്ഷനായി.
പാവറട്ടി മണ്ഡലം പ്രസിഡന്റ് സുജിത്ത് പണ്ടാരിക്കല്‍, സംസ്ഥാന സെക്രട്ടറി എ. നാഗേഷ്, ജില്ലാ ജന. സെക്രട്ടറിമാരായ അഡ്വ. കെ.ആര്‍. ഹരി, ജെസ്റ്റിന്‍ ജേക്കബ്, ജില്ലാ വൈസ് പ്രസിഡന്റുമാരായ സുജയ് സേനന്‍, ദയനന്ദന്‍ മാമ്പുള്ളി, സര്‍ജു തൊയക്കാവ്, ജില്ലാ ട്രഷറര്‍ അനീഷ്, യുവമോര്‍ച്ച ജില്ലാ പ്രസിഡന്റ് സബീഷ് മരുതയൂര്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: