തിരുവനന്തപുരം: തിരുവനന്തപുരത്ത് ആന പാപ്പാനെ കുത്തിക്കൊന്നു. കല്ലമ്പലം നാവായിക്കുളത്താണ് സംഭവം. പുത്തന്കുളം സ്വദേശി സജിയുടെ, തടിപിടിക്കാന് കൊണ്ടുവന്ന കണ്ണന് എന്ന ആനയാണ് ഇടഞ്ഞത്. ആനയെ തളയ്ക്കാനുള്ള ശ്രമങ്ങള് തുടരുകയാണ്.
വെള്ളല്ലൂര് ആല്ത്തറ സ്വദേശി ഉണ്ണിയാണ് കൊല്ലപ്പെട്ടത് എന്നാണ് വിവരം. ഇയാള് ഒന്നാം പാപ്പാനാണ്. തടി പിടിയ്ക്കുന്നതിനിടെ ആന പെട്ടെന്ന് അക്രമാസക്തനാകുകയായിരുന്നു. തുടര്ന്ന് അടുത്തു നിന്നിരുന്ന ഉണ്ണിയെ ആന കുത്തി. ഗുരുതരമായി പരിക്കേറ്റ ഉണ്ണി സംഭവ സ്ഥലത്തു തന്നെ മരിക്കുകയായിരുന്നു. പാപ്പാനെ കുത്തിക്കൊന്ന ശേഷം മൃതദേഹത്തിന് അടുത്തു തന്നെ ആന നിന്നു. അതുകൊണ്ടുതന്നെ ദീര്ഘ നേരത്തെ പരിശ്രമത്തിന് ഒടുവില് ആണ് മൃതദേഹം മാറ്റിയത്. ആനയെ തളയ്ക്കാന് എലിഫന്റ് സ്ക്വാഡ് ഉള്പ്പെടെ സ്ഥലത്ത് എത്തിയിട്ടുണ്ട്
