സാന്‍ജോസ് : കോസ്റ്റാറിക്കയില്‍ അടിയന്തിര ലാന്‍ഡിങ്ങിനിടെ കാര്‍ഗോ വിമാനം രണ്ടായി പിളര്‍ന്നു. സാന്‍ജോസ് വിമാനത്താവളത്തില്‍ പ്രാദേശിക സമയം രാവിലെ 10.30 ഓടെയാണ് സംഭവം. ജര്‍മന്‍ ലോജിസ്റ്റിക് ഭീമന്‍മാരായ ഡിഎച്ച്എല്ലിന്റെ ഉടമസ്ഥതയിലുള്ള ബോയിങ്ങ് 757 വിമാനമാണ് അപകടത്തില്‍ പെട്ടത്.
അപകടത്തെ തുടര്‍ന്ന് വിമാനത്താവളം താല്‍ക്കാലികമായി അടച്ചിരിക്കുകയാണ്. സാങ്കേതിക തകരാര്‍ ശ്രദ്ധയില്‍ പെട്ടതോടെ അടിയന്തിര ലാന്‍ഡിങ് നടത്തുകയായിരുന്നു. റണ്‍വേയിലൂടെ നിരങ്ങി നീങ്ങിയ വിമാനത്തില്‍ നിന്നും വലിയ പുക ഉയരുകയും പുറക് വശം രണ്ടായി പിളരുകയുമായിരുന്നു. അപകട സമയത്ത് പൈലറ്റും സഹപൈലറ്റും മാത്രമാണ് വിമാനത്തിലുണ്ടായിരുന്നത്. ഇവരെ വൈദ്യ പരിേശോധനയ്‌ക്ക് വിധേയമാക്കി. ഇവര്‍ സുരക്ഷിതരാണെന്നും അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: