മുംബൈ: ഗോരഖ്നാഥ് ക്ഷേത്രം ആക്രമിക്കാന്‍ നടത്തിയ ഒറ്റയാള്‍ നീക്കത്തിന്റെ പിന്നാമ്പുറം തേടി യുപി തീവ്രവാദ വിരുദ്ധ സ്‌ക്വാഡ് മുംബൈയിലെത്തി. പ്രതി മുര്‍ത്താസയുടെ നവിമുംബൈയിലെ വീട്ടില്‍ സംഘം പരിശോധന നടത്തി. മുര്‍താസ മാനസിക രോഗിയല്ലെന്നും മൂന്ന് വര്‍ഷമായി വീട്ടിലെത്തുകയോ കുടുംബാംഗങ്ങളെ കാണുകയോ ചെയ്തിട്ടില്ലെന്നും ഇയാളുടെ പിതാവ് മുനീര്‍ അഹമ്മദ് അബ്ബാസി അന്വേഷണ ഉദ്യോഗസ്ഥരോട് പറഞ്ഞു.
കുട്ടിക്കാലത്തുണ്ടായിരുന്ന വിഷാദരോഗം ചികിത്സിച്ച് മാറ്റിയിരുന്നതായും അബ്ബാസി പറഞ്ഞു. ഞായറാഴ്ചയാണ് ഗോരഖ്നാഥ് ക്ഷേത്രപരിസരത്ത് ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥരെ അഹമ്മദ് മുര്‍താസ അബ്ബാസി ആക്രമിച്ചത്. തുടര്‍ന്ന് അന്വേഷണം എടിഎസ്സിന് കൈമാറാന്‍ ഉത്തര്‍പ്രദേശ് സര്‍ക്കാര്‍ തീരുമാനിക്കുകയായിരുന്നു.
പ്രതികരിക്കാൻ ഇവിടെ എഴുതുക: