വിജയ് നായകനാകുന്ന ചിത്രം ‘ബീസ്റ്റ്’ന് വിലക്കേര്‍പ്പെടുത്തി കുവൈറ്റ്. ചിത്രത്തിലെ ദൃശ്യങ്ങള്‍ രാജ്യത്തിന്റെ ഇസ്ലാമിക താത്പ്പര്യങ്ങള്‍ക്ക് വിരുദ്ധമായതിനാലാണ് ചിത്രം വിലക്കിയതെന്നാണ് അധികൃതരുടെ വിശദീകരണം. കൂടുതല്‍ വിവരങ്ങള്‍ പുറത്തുവന്നിട്ടില്ല.
അതേസമയം യുഎഇയിലും മറ്റ് അറബ് രാജ്യങ്ങളിലും ചിത്രം റിലീസ് ചെയ്യാന്‍ അനുമതി ലഭിച്ചിട്ടുണ്ട്. ദുല്‍ഖര്‍ സല്‍മാന്റെ ‘കുറുപ്പ്’, വിഷ്ണു വിശാലിന്റെ ‘എഫ്‌ഐആര്‍’ എന്നീ സിനിമകളും സമാനരീതിയില്‍ കുവൈത്തിന്റെ വിലക്ക് നേരിട്ടിട്ടുണ്ട.
ഡോക്ടറിന് ശേഷം നെല്‍സണ്‍ ദിലീപ് കുമാര്‍ സംവിധാനം ചെയ്യുന്ന മൂന്നാമത്തെ ചിത്രമാണ് ബീസ്റ്റ്. ഡയറക്ടര്‍ സെല്ലവ രാഗവനും സിനിമയില്‍ ഉണ്ട്. മറ്റ് കഥാപാത്രങ്ങളെ കുറിച്ചൊന്നും അധികം പുറത്ത് വിട്ടിട്ടില്ലെങ്കിലും ട്രയ്‌ലര്‍ ഹിറ്റ് ആയി കഴിഞ്ഞു. ഇതിലെ രണ്ട് പാട്ടുകളും ഇതിനോടകം ട്രെന്‍ഡിങ്ങ് ആയി കഴിഞ്ഞു.
പ്രതികരിക്കാൻ ഇവിടെ എഴുതുക: