തലശ്ശേരി: സിപിഎം പാര്‍ട്ടി കോണ്‍ഗ്രസ്സിനോടനുബന്ധിച്ച് പൊതുവഴികളും പൊതുസ്ഥലങ്ങളും കയ്യേറി ഓഫീസുകളും കൊടിമരങ്ങളും അലങ്കാരങ്ങളും വെച്ചതോടെ വഴിയാത്രക്കാര്‍ ബുദ്ധിമുട്ടുന്നു. ചിറക്കര പുതിയ സ്റ്റാന്‍ഡിലെ ലോറി സ്റ്റാന്റ്, മഞ്ഞോടി ഓട്ടോ സ്റ്റാന്റ് തുടങ്ങി നിരവധി സ്ഥലങ്ങളാണ് സിപിഎം കയ്യേറിയിരിക്കുന്നത്.
ഇത്തരത്തില്‍ പൊതുസ്ഥലങ്ങള്‍ കയ്യേറുന്നതിനെതിരെ കോടതി വിധിയുണ്ടെണ്ടങ്കിലും നടപ്പിലാക്കേണ്ട പോലീസിന്റെയും കൂടി പിന്തുണയോടെയാണ് പൊതു ഇടങ്ങള്‍ കൈയ്യേറുന്നത്. മറ്റു രാഷ്ടീയ പാര്‍ട്ടികളോ സംഘടനകളൊ ഏതെങ്കിലും പരിപാടികളോടനുബന്ധിച്ച് കൊടി നാട്ടിയാല്‍ എടുത്ത് കളയുന്ന പോലീസ് സിപിഎമ്മിന് അടിമജോലി ചെയ്യുന്ന അവസ്ഥയിലാണ്.
പരിസരത്തുള്ള ചിറക്കര സ്‌കൂളിലെ കുട്ടികളടക്കം സുരക്ഷിത വഴിയായി ഉപയോഗിക്കുന്ന ഫുട്ട്പാത്താണ് സിപിഎമ്മുകാര്‍ കയ്യേറിയിരിക്കുന്നത്. ഇതുകാരണം യാത്രക്കാര്‍ റോഡിലൂടെ നടക്കുന്നതിനാല്‍ അപകടസാധ്യത കൂടുതലാണ്. ഇതിനെതിരെ പൊതുസമൂഹത്തില്‍ നിന്നും വന്‍ എതിര്‍പ്പുകള്‍ ഉണ്ടണ്ടായിട്ടുണ്ട്. പോക്കറ്റ് റോഡുകളില്‍ നിന്നും പ്രധാന റോഡുകളിലേക്ക് കയറുന്ന സമയത്ത് വാഹനം ഓടിക്കുന്ന ആളുകള്‍ക്ക് മെയിന്‍ റോഡിലെ വാഹനം കാണാത്തതിനാലും അപകട സാധ്യത കൂടുതലാണ്.
പ്രതികരിക്കാൻ ഇവിടെ എഴുതുക: