മഞ്ജു സുരേഷ് ഫിലിംസിനു വേണ്ടി സുരേഷ് സോപാനം നിര്‍മ്മാണവും, സംവിധാനവും നിര്‍വ്വഹിക്കുന്ന ചിത്രം ‘സോറോ’ ഏപ്രില്‍ 1-ന് റിലീസ് ചെയ്യും. തലൈവാസല്‍ വിജയ്, തൊണ്ടിമുതലും ദൃക്‌സാക്ഷിയും എന്ന ചിത്രത്തിലൂടെ ശ്രദ്ധേയനായ സിബി തോമസ്, മാമുക്കോയ, സുനില്‍ സുഗത, വാമിക സുരേഷ്, എന്നിവരാണ് ചിത്രത്തില്‍ പ്രധാന വേഷത്തില്‍ എത്തുന്നത്.
സോറോ കുറുക്കന്‍ എന്ന് അര്‍ത്ഥം വരുന്ന സ്പാനിഷ് വാക്കാണ്. സമകാലിക വിഷയങ്ങളെ ആസ്പദമാക്കി ചിത്രീകരിച്ച ചിത്രമാണ് സോറോ. പുതിയ കാലഘട്ടത്തിലെ ലഹരിമരുന്നുകളായ സിന്തറ്റിക് ഡ്രഗ്‌സിന്റെ ദൂഷ്യ ഫലങ്ങള്‍ എടുത്തുകാണിക്കുന്ന സോറോ പുതുതലമുറയിലെ യുവതീയുവാക്കളെ ബോധവല്‍ക്കരിക്കാനാണ് ശ്രമിക്കുന്നത്.
ഒരു രാത്രിയില്‍ നടക്കുന്ന കഥയില്‍ പല മേഖലയിലുള്ള മനുഷ്യരെ എങ്ങനെയാണ് ഡ്രഗ്‌സ് ബാധിക്കുന്നതെന്ന് ചിത്രം കാണിച്ചു തരുന്നു. ലഹരിയുടെ ലോകത്ത് സോറയിലും ചില കൊലപാതകങ്ങള്‍ നടന്നു. പോലീസ് അന്വേഷണം നടന്നു. പക്ഷേ ഈ കൊലപാതകങ്ങള്‍ ഒരു ചോദ്യ ചിന്നമായി അവശേഷിക്കുകയായിരുന്നു.
മുരുകന്‍ എന്ന കേന്ദ്രകഥാപാത്രമായി തലൈവാസല്‍ വിജയാണ് വേഷമിടുന്നത്. കോയാക്ക എന്ന കഥാപാത്രമായി സുനില്‍ സുഗതയും, മൂര്‍ത്തി എന്ന റിസോര്‍ട്ട് മുതലാളിയായി മാമുക്കോയയും, രാധിക എന്ന പോലിസ് ഉദ്യോഗസ്ഥയായി വമിക സുരേഷും എത്തുന്നു. ഹരീഷ് കണാരന്‍, നിര്‍മ്മല്‍ പാലാഴി ടീമിലുള്ള ദേവരാജ് ദേവനും നല്ലൊരു കഥാപാത്രത്തെ അവതരിപ്പിക്കുന്നു. ശബരി എന്ന വില്ലന്‍ കഥാപാത്രത്തെ രഘു ചാലിയാര്‍ അവതരിപ്പിക്കുന്നു.
രചന- ചാലിയാര്‍ രഘു, ഡിഒപി- വിപിന്‍ ശോഭനന്ദ്, എഡിറ്റര്‍- സലീഷ് ലാല്‍, ഗാനങ്ങള്‍- രൂപശ്രീ, സംഗീതം, ബിജിഎം- സാജന്‍ കെ.റാം, ആലാപനം- ദേവിക സന്തോഷ്, കല- അനൂപ് ചന്ദ്രന്‍ കൊയിലാണ്ടി, മേക്കപ്പ്- ജിജേഷ് ഉത്രാടം, പ്രബീഷ്, കോസ്റ്റ്യൂംസ്- മുരുഗന്‍സ്, കോറിയോഗ്രാഫി- ശ്രീജിത്ത്, പ്രൊഡക്ഷന്‍ കണ്‍ട്രോളര്‍- ഷജിത്ത് തിക്കൊടി, സംഘട്ടനം -ബ്രുസ്ലി രാജേഷ്, ചീഫ് അസോസിയേറ്റ് ഡയറക്ടര്‍ – സച്ചി ഉണ്ണികൃഷ്ണന്‍, അസിസ്റ്റന്റ് ഡയറക്ടര്‍ – ലാവന്‍, സവീന്‍ നാദ്, സ്റ്റില്‍ – മുരളി പണിക്കര്‍ ,പി.ആര്‍.ഒ- അയ്മനം സാജന്‍.
എ.ആര്‍. രാജേഷ്, അരുണ്‍ രാജ്, ബിജു ചീക്കിലോട്, രാഹുല്‍, മാസ്റ്റര്‍ ആര്‍ദിന്‍ സുരേഷ്, എന്നിവരും ചിത്രത്തില്‍ വേഷമിടുന്നുണ്ട്.
പ്രതികരിക്കാൻ ഇവിടെ എഴുതുക: