തിരുവനന്തപുരം : സിഐടിയുവിന്റെയും എന്‍ജിഒ യൂണിയന്റെയും എന്‍ജിഒ അസോസിയേഷന്റെയും ഐഎന്‍ടിയുസിയുടെയും നേതാക്കള്‍ ഇനി ഓഫീസ് തുറക്കാന്‍ വരുമ്പോള്‍ ചൂലെടുത്ത് അടിക്കാന്‍ നാട്ടുകാര്‍ തയ്യാറാകണം. അത്രയും വലിയ ദ്രോഹികളാണ് അവരെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍.
27ആം തീയതി ശമ്പള ബില്‍ എഴുതി പോക്കറ്റില്‍ വെച്ചിട്ട് 28, 29 തീയതികളില്‍ പണിമുടക്കുന്നു. പണിമുടക്കുന്നുണ്ടെങ്കില്‍ ശമ്പളം വാങ്ങാതെ പണിമുടക്കണം. ഈ രാജ്യത്തെ മുഴുവന്‍ ജനങ്ങളുടെയും നികുതിപ്പണം കൊള്ളയടിച്ച് തിന്നിട്ടാണ് ഇവര്‍ സമരം ചെയ്യുന്നത്. കേരളത്തില്‍ മാത്രം ചെലവാകുന്ന ആഭാസ നാടകമാണ് അഖിലേന്ത്യാ പണിമുടക്ക്.
രാജ്യത്ത് മോദി സര്‍ക്കാര്‍ ചെയ്യുന്ന നല്ല കാര്യങ്ങള്‍ പണിമുടക്ക് നടത്തി തൊഴിലാളികള്‍ക്ക് ലഭിക്കുന്നത് നിഷേധിക്കുകയാണ് കേരള സര്‍ക്കാര്‍. നരേന്ദ്ര മോദി സര്‍ക്കാര്‍ നല്‍കുന്ന സൗജന്യ അരി വിതരണം ചെയ്യുന്നത് തടഞ്ഞാല്‍ അത് ഏത് കൊമ്പത്തെ ട്രേഡ് യൂണിയന്‍ നേതാവായാലും കൈകാര്യം ചെയ്യും. കടകള്‍ തുറക്കാന്‍ ആഗ്രഹമുള്ള വ്യാപാരികള്‍ക്കും വാഹനങ്ങള്‍ ഓടിക്കാന്‍ താത്പര്യമുള്ളവര്‍ക്കും ബിജെപി പ്രവര്‍ത്തകര്‍ സഹായം നല്‍കും. അതിനെ നേരിടാന്‍ വരുന്നവരെ തിരിച്ചടിക്കും. മാര്‍ക്‌സിസ്റ്റ് പാര്‍ട്ടി ആസൂത്രണം ചെയ്ത സമരത്തിന് കോണ്‍ഗ്രസുകാര്‍ കൂട്ട് നില്‍ക്കുകയാണെന്നും സുരേന്ദ്രന്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: