കൊല്ലം: ബീഡി വാങ്ങാന് പണം നല്കാത്തതിന് യുവാവിന്റെ മൂക്കെല്ല് ഇടിച്ച് പൊട്ടിച്ച സംഘത്തിലെ ഒരാള് പോലീസ് പിടിയില്. ശക്തികുളങ്ങര കന്നിമേല് ഐശ്വര്യ നഗര് പെരിക്കുഴി ഹൗസില് ശ്യാംസുനില് (22) ആണ് പിടിയിലായത്.
കഴിഞ്ഞ 23ന് സന്ധ്യയ്ക്ക് സൈക്കിളില് ജോലി കഴിഞ്ഞ് വീട്ടിലേക്ക് പോകുകയായിരുന്ന ശരത് എന്ന യുവാവാണ് ആക്രമിക്കപ്പെട്ടത്. ഇയാളെ തടഞ്ഞുനിര്ത്തി പ്രതിയടങ്ങിയ സംഘം പണം ആവശ്യപ്പെട്ടു. പണം നല്കാന് വിസമ്മതിച്ച യുവാവിനെ ഇവര് ചവിട്ടി താഴെയിട്ട് അടിക്കുകയും കരിങ്കല്ല് എടുത്ത് മുഖത്തിടിച്ചു. ഇടിയില് മൂക്കസ്ഥിക്ക് പൊട്ടല് സംഭവിച്ചു. യുവാവ് കൊല്ലം ജില്ലാ ആശുപത്രിയില് ചികിത്സ തേടി.
സംഭവശേഷം കടയ്ക്കാവൂരിലെ ബന്ധുവീട്ടിലേക്ക് കടന്ന ശ്യാമിനെ അവിടെ നിന്നുമാണ് പോലീസ് പിടികൂടിയത്. ശക്തികുളങ്ങര ഇന്സ്പെക്ടര് യു. ബിജുവിന്റെ നേതൃത്വത്തില് ശക്തികുളങ്ങര പോലീസ് സ്റ്റേഷനിലെ സബ് ഇന്സ്പെക്ടര് ഷാജഹാന്, എഎസ്ഐമാരായ പ്രദീപ്, ഡാര്വിന് എന്നിവരടങ്ങിയ സംഘമാണ് പിടികൂടിയത്. ഇവരെ റിമാന്ഡ് ചെയ്തു.
