മുംബൈ: വിവേക് അഗ്നിഹോത്രി സംവിധായം ചെയത് കശ്കമീരിലെ ഹിന്ദുവംശഹത്യയുടെ കഥ പറയുന്ന ‘കശ്മീര് ഫയല്സ്’ എന്ന സിനിമ കൈകാര്യം ചെയ്യുന്ന വിഷയം ഇന്ത്യന് ചരിത്രത്തിന്റെ ഭാഗമെന്ന് ബോളിവുഡ് നടന് ആമീര് ഖാന്. താന് തീര്ച്ചയായും ചിത്രം കാണും. കശ്മീരി പണ്ഡിറ്റുകള്ക്ക് സംഭവിച്ചത് തീര്ച്ചയായും ദു:ഖകരമായ കാര്യങ്ങളാണെന്നും അദ്ദേഹം പറഞ്ഞു.
എസ് എസ് രാജമൗലി സംവിധാനം ചെയ്ത ആര് ആര് ആര് എന്ന ചിത്രത്തിന്റെ പ്രചാരണാര്ത്ഥം ഡല്ഹിയില് സംഘടിപ്പിച്ച പരിപാടിയിലായിരുന്നു ആമിര് ഖാന്റെ പ്രതികരണം. വേദിയില് ഉണ്ടായിരുന്ന നടി ആലിയ ഭട്ടും ആമിര് ഖാന്റെ അഭിപ്രായത്തോട് യോജിച്ചു.
കശ്മീരി പണ്ഡിറ്റുകളുമായി ബന്ധപ്പെട്ട് ഇറങ്ങുന്ന ഏതൊരു സിനിമയും ഓരോ ഇന്ത്യക്കാരനും കണ്ടിരിക്കേണ്ടതാണ്. മാനവികതയില് വിശ്വസിക്കുന്ന എല്ലാവരുടെയും വികാരങ്ങളെ സ്പര്ശിച്ച ചിത്രമാണ് ‘കശ്മീര് ഫയല്സ്’. ചിത്രം വിജയമാണെന്ന് അറിയുന്നതില് സന്തോഷമുണ്ടെന്നും ആമിര് ഖാന് വ്യക്തമാക്കി.
