പ്രശ്‌ന പരിഹാരശാല എന്ന ചിത്രത്തിലൂടെ ശ്രദ്ധേയനായ ഷെബീര്‍ ഏന സംവിധാനം ചെയ്യുന്ന പുതിയ ചിത്രമായ ബന്തടുക്ക പോലീസ് സ്റ്റേഷന്‍ എന്ന ചിത്രത്തിന്റെ ടൈറ്റില്‍ ലോഞ്ചിങ് കഴിഞ്ഞ ദിവസം നിലമ്പൂര്‍ ആതസ് ഓഡിറ്റോറിയത്തില്‍ നടന്നു.
രഞ്ജു സിനിമാസിനു വേണ്ടി നിയാസ് വാണിയമ്പലം നിര്‍മ്മിക്കുന്ന ഈ ചിത്രത്തിന്റെ ടൈറ്റില്‍ ലോംഞ്ചിങ്, എംഎല്‍എ എ.പി. അനില്‍കുമാര്‍, ചെയര്‍മാന്‍ മറ്റുമ്മല്‍ സലീം, കോട്ടയം നസീര്‍, കലാഭവന്‍ നവാസ്, നീനാ കുറുപ്പ്, അംബികാ മോഹന്‍, യൂസഫ്, എന്നിവര്‍ ചേര്‍ന്നാണ് നിര്‍വഹിച്ചത്. പ്രമുഖ സിനിമാ പ്രവര്‍ത്തകരും, പ്രേക്ഷകരും ചടങ്ങില്‍ പങ്കെടുത്തു. വ്യത്യസ്തമായ കഥയും അവതരണവും കാഴ്ചവെക്കുന്ന ചിത്രമായിരിക്കും ബന്തടുക്ക പോലീസ് സ്റ്റേഷന്‍ എന്ന് ചിത്രത്തിന്റെ അണിയറ പ്രവര്‍ത്തകര്‍ അറിയിച്ചു.
രചന രാജേഷ് കൊട്ടപ്പടി, ക്യാമറ- ടി.എസ്.ബാബു, ആര്‍ട്ട്- അഭിലാഷ് മുതുകാട്, അസോസിയേറ്റ് ഡയറക്ടര്‍ – ഐസക് നെടുന്താനം, പിആര്‍ഒ- അയ്മനം സാജന്‍. സിനിമയുടെ ചിത്രീകരണം ഉടന്‍ ആരംഭിക്കും.
പ്രതികരിക്കാൻ ഇവിടെ എഴുതുക: