തൃശൂര് : കേരള സംഗീത നാടക അക്കാദമി 2021-ലെ ഫെലോഷിപ്പ്, ഗുരുപൂജ പുരസ്കാരങ്ങള് പ്രഖ്യാപിച്ചു. അക്കാദമിയുടെ പരിധിയില് വരുന്ന വിവിധ കലാരംഗങ്ങളില് അതുല്യ സംഭാവനകള് നല്കിയ കരിവെള്ളൂര് മുരളിയ്ക്കും(നാടകം) വി. ഹര്ഷകുമാറിനും(കഥാപ്രസംഗം) മാവേലിക്കര പി. സുബ്രഹ്മണ്യം(സംഗീതം) എന്നിങ്ങനെ മൂന്ന് പേര്ക്കാണ് ഫെലോഷിപ്പുകള് ലഭിച്ചിരിക്കുന്നത്.
പ്രശസ്തി പത്രവും ഫലകവും 50,000 രൂപയും അടങ്ങുന്നതാണ് ഫെലോഷിപ്പ്. ഇത് കൂടാതെ 17 പേരെ അവാര്ഡിനും 23 പേരെ ഗുരുപൂജ പുരസ്കാരത്തിനും തെരഞ്ഞെടുത്തു. പ്രശസ്തി പ്രതവും ഫലകവും 30,000 രൂപയും അടങ്ങുന്നതാണ് അവാര്ഡ്, ഗുരുപൂജ പുരസ്കാരങ്ങള്.
കെപിഎസി മംഗളന്, മണിയന് ആറന്മുള, ബാബു പള്ളാശ്ശേരി, എ.എന് മുരുകന്, രാജ്മോഹന് നീലേശ്വരം, സുധി നിരീക്ഷ, ആര്.എല്.വി രാമകൃഷ്ണന്, കലാമണ്ഡലം സത്യവൃതന്, ഗീത പദ്മകുമാര്, പി.സി ചന്ദ്രബോസ്, പെരിങ്ങോട് സുബ്രഹ്മണ്യന്, പഴുവില് രഘു മാരാര്, വഞ്ചിയൂര് പ്രവീണ്കുമാര്, കൊല്ലം വി സജികുമാര്, താമരക്കുടി രാജശേഖരന്, എന്.പി പ്രഭാകരന്, മഞ്ജു മേനോന് എന്നിവര്ക്കാണ് അവാര്ഡുകള്.
കലാനിലയം ഭാസ്കരന് നായര്, സി.വി.ദേവ്, മഹാശയന്, ജോര്ജ്ജ് കണക്കശ്ശേരി, ചന്ദ്രശേഖരന് തിക്കോടി, കബീര്മാസ്, നമശിവായന്, സൗദാമിനി, കുമ്പളം വക്കച്ചന്, അലിയാര് പുന്നപ്ര, മുഹമ്മദ് പേരാമ്പ്ര, ആലപ്പി രമണന്, ഗിരിജ ബാലകൃഷ്ണന്, മണിയന് പറമ്പില് മണി നായര്, ജോയ് സാക്സ്, പപ്പന് നെല്ലിക്കോട്, മാര്ഗ്ഗി വിജയകുമാര്, പഴുവില് ഗോപിനാഥ്, പദ്മനാഭന് കോഴിക്കോട് (പപ്പന്), പങ്കജാക്ഷന് കൊല്ലം, ടി.കെ.ഡി മുഴുപ്പിലങ്ങാട്, കലാമണ്ഡലം സുകുമാരന് എന്നിവര്ക്കാണ് ഗുരുപൂജ പുരസ്കാരങ്ങള്.
കേരള സംഗീത നാടക അക്കാദമി വൈസ് ചെയര്മാന് സേവ്യര് പുല്പ്പാട്ട്, അക്കാദമി നിര്വാഹകസമിതി അംഗങ്ങളായ വി.ടി. മുരളി, വിദ്യാധരന് മാസ്റ്റര്, വി.കെ അനില്കുമാര് എന്നിവര് ചേര്ന്ന വാര്ത്താ സമ്മേളനത്തിലാണ് ഫെലോഷിപ്പുകള് പ്രഖ്യാപിച്ചത്.
