ഉക്രൈനിൽ നിന്നും എത്തിയ വിദ്യാർത്ഥിക്ക് ബിജെപി യുടെ ആദരവ്; നാട്ടിക നിയോജ മണ്ഡലം വൈസ് പ്രസിഡന്റ് ഭഗീഷ് പൂരാടൻ പതാക കൈമാറി ആദരിച്ചു.

കാഞ്ഞാണി: ഉക്രൈനിൽ നിന്നും എത്തിയ വിദ്യാർത്ഥിയെ ബിജെപി യുടെ നേതൃത്വത്തിൽ ആദരിച്ചു. എംബിബിഎസ് അവസാന വർഷ വിദ്യാർത്ഥിയായ തളിക്കുളം സ്വദേശി കളവൂർ ഹരിത ഹരിദാസിനെയാണ് ബിജെപി നാട്ടിക നിയോജ മണ്ഡലം വൈസ് പ്രസിഡന്റ് ഭഗീഷ് പൂരാടൻ പതാക കൈമാറി ആദരിച്ചത്. 

യുദ്ധ മുഖത്തു നിന്നും രക്ഷപ്പെടുത്തിയതിനു ഇന്ത്യൻ ഗവൺമെന്റിനും, ഈ വിഷയം കേന്ദ്ര ഗവൺമെന്റിന്റെ ശ്രദ്ധയിൽ പെടുത്തിയ ബ്ലോക്ക്‌ പഞ്ചായത്ത്‌ മെമ്പർ കൂടിയായ ഭഗീഷ് പൂരാടന് വീട്ടുകാർ നന്ദി അറിയിച്ചു. ചടങ്ങിൽ ബിജെപി പഞ്ചായത്ത്‌ പ്രസിഡന്റ് കെ.ആർ. മോഹനൻ, വേലായുധൻ, സീതറാം, റിനേഷ് പട്ടാലി, ബിന്നി അറക്കൽ, ഫൽഗുണൻ എന്നിവർ പങ്കെടുത്തു.