തിരുവനന്തപുരം: ആറ്റിങ്ങലിൽ ബൈക്കും ലോറിയും കൂട്ടിയിടിച്ച് യുവാവ് മരിച്ചു. അയിലം സ്വദേശി അച്ചു എന്ന് പേരുള്ള വിശാൽ (22) ആണ് മരിച്ചത്. കൂടെ ഉണ്ടായിരുന്ന ആറ്റിങ്ങൽ സ്വദേശി ആസിഫിനെ (23) ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. ഇരുവരും മരിയൻ എഞ്ചിനീയറിങ് കോളേജ് വിദ്യാർത്ഥികളാണ്.
മാമം കോരാണിയിൽ രേവതി ഓഡിറ്റോറിയത്തിന് സമീപമാണ് അപകടം നടന്നത്. വിശാലിന്റെ ബൈക്ക് എതിർവശത്ത് നിന്നും വന്ന വാഹനത്തിൽ തട്ടി ലോറിയിക്ക് അടിയിൽ പെടുകയായിരുന്നു. തീ പിടിത്തത്തിൽ ആലപ്പുഴ രജിസ്ട്രേഷനിലുള്ള ലോറിയും ബൈക്കും പൂർണമായും കത്തി നശിച്ചു. കരിച്ചിയിൽ പുഷ്പമംഗലം വീട്ടിൽ മലബാർ കാറ്ററിങ് സർവീസ് ഉടമ പത്മകുമാർ-സിന്ധു ദമ്പതികളുടെ ഏക മകനാണ് വിശാൽ.
ലോ റി ഡ്രൈവർ നിസാര പരിക്കുകളോടെ രക്ഷപ്പെട്ടു. ലോറിയിൽ ഉണ്ടായിരുന്ന മറ്റ് രണ്ട് പേരുടെയും നില ഗുരുതരമാണ് ഇവരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
