കാഞ്ഞാണി: ജെ.സി.ബിയിൽ ബസിടിച്ച് 3 കുട്ടികൾക്ക് പരിക്കേറ്റു. ശനിയാഴ്‌ച്ച രാവിലെ തൃശൂർ – വാടാനപ്പിള്ളി സംസ്ഥാന പാതയിൽ കാരമുക്കിലാണ് സംഭവം. വീട് പൊളിക്കാനെത്തിയ ജെ.സി.ബി. വീട്ടുമുറ്റത്ത് തിരിക്കുന്നതിനിടെ കൈ ഭാഗം ഗതാഗത തിരക്കേറിയ മെയിൻ റോഡിലേക്ക് നീണ്ടപ്പോൾ അതിൽ ബസ് വന്നിടിച്ചാണ് അപകടം. തൃശൂർ – വാടാനപ്പള്ളി റൂട്ടിലോടുന്ന യാത്ര ദർശ് എന്ന ബസാണ് അപകടത്തിൽ പെട്ടത്. ഇടിയുടെ ആഘാതത്തിൽ ബസിന്റെ ഒരു വശം തകർന്നു. ബസിന്റെ മുൻ സീറ്റിലിരുന്ന് യാത്ര ചെയ്തിരുന്ന കാരമുക്ക്, നടുവിൽക്കര സ്വദേശികളായ 3 കുട്ടികൾക്ക് നിസാര പരിക്കേറ്റു. കാഞ്ഞാണിയിൽ നിന്ന് ട്യൂഷൻ കഴിഞ്ഞ് മടങ്ങുകയായിരുന്നു. ഇവരെ തൃശൂർ ജില്ലാ ആശുപത്രിയിൽ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: