തലശ്ശേരി: പുന്നോല്‍ ഹരിദാസ് കൊലപാതകത്തിന്റെ പേരില്‍ കോടിയേരി മാടപ്പീടികയില്‍ പോലീസ് നരനായാട്ട്. പോലീസുകാരുടെ അതിക്രമം കണ്ട് ബോധരഹിതയായി വീണ വയോധികയെ ആശുപത്രിയില്‍ പ്രവേശിപ്പിച്ചു. മാടപ്പീടിക ചെള്ളത്ത് ഹൗസിലാണ് പോലീസുകാരുടെ നരനായാട്ട് ഉണ്ടായത്.
വീട്ടില്‍ ഓടിക്കയറിയ പോലീസുകാര്‍ സാധനങ്ങള്‍ വാരിവലിച്ചിടുകയും വീട്ടില്‍ ഒറ്റയ്‌ക്ക് കഴിയുകയായിരുന്ന വയോധികയായ സതിയെ (66) അസഭ്യം പറയുകയും വീട്ടിലെ ഫോണുകള്‍ എടുത്തു കൊ്ടണ്ട് പോവുകയും ചെയ്തു. പോലീസുകാരുടെ കൂടെ സിപിഎം സഹകരണ സ്ഥാപനമായ പുന്നോല്‍ സഹകരണ ബാങ്കിലെ ജീവനക്കാരനും സിപിഎം പ്രവര്‍ത്തകനായ ഷാജിയും ഉണ്ടായിരുന്നു എന്ന് സതി പറഞ്ഞു. പോലീസ് അതിക്രമം കണ്ട് ഭയന്ന് ബോധം കെട്ടുവീണ സതിയെ തലശ്ശേരി ഗവര്‍മെന്റ് ആശുപത്രിയില്‍ പ്രവേശിപ്പിച്ചു.
സി.പി.എം പ്രവര്‍ത്തകര്‍ക്ക് വേണ്ടി നിരപരാധികളായ ആര്‍എസ്എസ്, ബിജെപി പ്രവര്‍ത്തകരുടെ വീടുകളില്‍ കയറി അതിക്രമം കാണിക്കുന്ന പോലീസ് നടപടിക്കെതിരെ പൊതുജനത്തില്‍ പ്രതിഷേധം ശക്തമായിട്ടുണ്ട്.
പ്രതികരിക്കാൻ ഇവിടെ എഴുതുക: