കേരളത്തില് അജിത്ത് കുമാര് ചിത്രം വലിമൈക്ക് ഏറ്റവും വലിയ റിലീസ്. നാളെ പുലര്ച്ചെ അഞ്ചിന് സിനിമ കേരളത്തിലെ തിയറ്ററുകളില് റിലീസ് ചെയ്യും. കേരളത്തില് മാത്രം 235 സ്ക്രീനുകളിലാണ് സിനിമ റിലീസ് ചെയ്യുന്നത്. തിരുവനന്തപുരം ഏരീസ് പ്ലസ് തിയറ്ററിലെ ആറു സ്ക്രീനുകളിലും സിനിമ പുലര്ച്ചെ അഞ്ചിന് റലീസ് ചെയ്യും. ഏരീസില് മാത്രം നാളെ സിനിമയുടെ 27 ഷോകളാണ് നടക്കുക. എല്ലാ ഷോയുടെയും ടിക്കറ്റുകള് വിറ്റു പോയിട്ടുണ്ട്. കേരളത്തിലെ റിലീസ് ദിനത്തെ ടിക്കറ്റുകള്ക്ക് വമ്പിച്ച റിസര്വേഷനാണ് നടന്നിരിക്കുന്നത്.
ഇന്ത്യയിലെ തന്നെ മികച്ച ആക്ഷന് ത്രില്ലര് ചിത്രമായിരിക്കും വലിമൈ എന്നാണ് പ്രതീക്ഷിക്കുന്നത്. തീരന് അധികാരം ഒന്നിന് ശേഷം എച്ച്. വിനോദ് സംവിധാനം ചെയ്യുന്ന ചിത്രമാണ് വലിമൈ. സീ സ്റ്റുഡിയോ സ് ചെയ്യുന്ന ചിത്രം ഇ ഫോര് എന്റര്ടെയിന്മെന്റ്സാണ് കേരളത്തിലെത്തിക്കുന്നത്.
കാര്ത്തികേയ, ഹുമ ഖുറേഷി, യോഗി ബാബു എന്നിവരും അജിത്തിനൊപ്പം പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ബോണി കപൂറാണ് ചിത്രം നിര്മിക്കുന്നത്. ഛായാഗ്രാഹണം നീരവ് ഷാ.
