ചെത്തല്ലൂര്: റോഡിലൂടെ നടന്നു പോയ സ്ത്രീയെ ശല്യം ചെയ്ത കേസില് അലനല്ലൂര് പുത്തൂര് ആലായന് വീട്ടില് ഉമ്മര് ഫാറൂഖിനെ (24) നാട്ടുകല് പോലീസ് അറസ്റ്റ് ചെയ്തു. ഒരാഴ്ച മുമ്പാണ് കേസിനാസ്പദമായ സംഭവം നടന്നത്.
റോഡിലൂടെ നടന്നുപോവുകയായിരുന്നു സ്ത്രീയെ ഓട്ടോറിക്ഷ ഡ്രൈവറായ ഫറൂക്ക് കടന്നുപിടിക്കുകയാണ് ഉണ്ടായതെന്ന് സി.ഐ. സിജോ വര്ഗീസ് പറഞ്ഞു. ഇയാള് നിരന്തരമായി ശല്യം ചെയ്തിരുന്നു. തുടര്ന്ന് ഞായറാഴ്ച സ്ത്രീ പോലീസില് പരാതി നല്കി. ചൊവ്വാഴ്ച നാട്ടുകല് പോലീസ് പ്രതിയെ അറസ്റ്റ് ചെയ്ത് കോടതിയില് ഹാജരാക്കി റിമാന്ഡ് ചെയ്തു.
