തിരുവനന്തപുരം: പിണറായി വിജയന്റെ ബി ടീം ആയി ഗവര്‍ണറെ അപമാനിക്കാന്‍ ഇറങ്ങിയിരിക്കുകയാണ് പ്രതിപക്ഷ നേതാവ് വി.ഡി സതീശനും കൂട്ടരുമെന്ന് കേന്ദ്ര മന്ത്രി വി മുരളീധരന്‍.ഗവര്‍ണറെ വിമര്‍ശിക്കാന്‍ കാണിക്കുന്ന ആര്‍ജ്ജവം സര്‍ക്കാരിനെ വിമര്‍ശിക്കാന്‍ സതീശന് ഇല്ലാത്തത് സിപിഎമ്മിനെ ഭയന്നിട്ടാണോ എന്നും അദ്ദേഹം ചോദിച്ചു .
സിപിഎം സൈബര്‍ ഗുണ്ടകളെയും എം.എം മണിയേയും ,എ.കെ ബാലനെയും പോലുള്ളവരെയും ഇറക്കി ഗവര്‍ണറെ അധിക്ഷേപിക്കുന്നത് തന്റെ അറിവോടെയാണോയെന്ന് പിണറായി വിജയന്‍ വ്യക്തമാക്കണം. ഗവര്‍ണര്‍ ബിജെപിയുടെയോ ബിജെപി ഗവര്‍ണറുടെയോ വക്താവല്ലെന്നും കേന്ദ്ര മന്ത്രി പറഞ്ഞു.സംസ്ഥാനത്ത് നടക്കുന്ന അഴിമതിയും സ്വജന പക്ഷപാതവും ഗവര്‍ണര്‍ ചൂണ്ടിക്കാട്ടിയാല്‍ ഞടട അജന്‍ഡ എന്നു പറഞ്ഞ് ഭരണപക്ഷവും പ്രതിപക്ഷവും കൂടി ഒന്നിച്ചിറങ്ങുന്നത് പരിഹാസ്യമാണെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: