കലബുര്‍ഗി (കര്‍ണാടക): ഹിജാബ് ധരിക്കുന്നതിനെ എതിര്‍ക്കുന്ന വിദ്യാര്‍ഥികളെ വെട്ടിനുറുക്കുമെന്ന ഭീഷണിയുമായി കോണ്‍ഗ്രസ് നേതാവ് മുഖരംഖാന്‍. ഇയാള്‍ക്കെതിരെ കര്‍ണാടക പോലീസ് കേസെടുത്തു. വര്‍ഗീയകലാപം സൃഷ്ടിക്കാനുള്ള കോണ്‍ഗ്രസിന്റെ ആസൂത്രിതനീക്കത്തിന്റെ ഭാഗമായാണ് മുഖരംഖാന്റെ ഭീഷണിയെ വിലയിരുത്തുന്നത്.
നാല് ദിവസം മുമ്പാണ് ഇയാളുടെ ഭീഷണി വീഡിയോ പുറത്തുവരുന്നത്. സംസ്ഥാനത്തെ വിവിധ കോളജുകളില്‍ വിദ്യാര്‍ത്ഥികളെ കോണ്‍ഗ്രസ് നേതാക്കള്‍ ഹിജാബ് ധരിക്കാന്‍ നിര്‍ബന്ധിക്കുന്നതായുള്ള വാര്‍ത്തകള്‍ പുറത്തുവരുന്നതിനിടെയാണ് ഇയാളുടെ ഭീഷണി.
ഈ വര്‍ഷം ജനുവരിയില്‍ ഉഡുപ്പി ജില്ലയിലെ ഗവണ്‍മെന്റ് ഗേള്‍സ് പിയു കോളജിലെ നാല് വിദ്യാര്‍ത്ഥിനികളെ ഉപയോഗിച്ചാണ് പോപ്പുലര്‍ഫ്രണ്ട് ഹിജാബ് കലാപത്തിന് തുടക്കമിട്ടത്. സ്‌കൂള്‍ അഡ്മിനിസ്ട്രേഷന്‍ അംഗീകരിച്ച യൂണിഫോമിനെതിരെ ഹിജാബ് മതവേഷമാണെന്ന് വാദിച്ചുകൊണ്ടാണ് സമരം തുടങ്ങിയത്. പ്രതിഷേധത്തിനെതിരെ ജനവികാരം ശക്തമായതോടെ കലാപകാരികള്‍ പിന്‍വാങ്ങാന്‍ തുടങ്ങിയെങ്കിലും കോണ്‍ഗ്രസ് നേതാക്കള്‍ അത് ആളിക്കത്തിക്കാനുള്ള നീക്കത്തിലാണ്.
പ്രതികരിക്കാൻ ഇവിടെ എഴുതുക: