ന്യൂദല്ഹി: ഇന്ത്യയില് ഇന്ന് 30,757 കൊവിഡ് കേസുകള് കൂടി സ്ഥിരീകരിച്ചു. ഇതോടെ രാജ്യത്തെ ആകെ കേസുകളുടെ എണ്ണം 4,27,54,315 ആയി ഉയര്ന്നു. 541 മരണങ്ങളും റിപ്പോര്ട്ട് ചെയ്തു. ഇതോടെ ആകെ മരണങ്ങളുടെ എണ്ണം 5,10,413 ആയി.
കഴിഞ്ഞ 24 മണിക്കൂറിനിടെ 82,988 പേര് സുഖം പ്രാപിച്ചതോടെ ആകെ രോഗമുക്തരുടെ എണ്ണം 4,18,43,446 ആയി. 75.42 കോടി സാമ്പിളുകളാണ് ടെസ്റ്റ് ചെയ്തത്. 2.45 ശതമാനമാണ് ടെസ്റ്റ് പോസിറ്റിവിറ്റി നിരക്ക്.
ഇത് പതിനൊന്നാം ദിവസമാണ് തുടര്ച്ചയായി ഒരു ലക്ഷത്തില് തഴെ പ്രതിദിന കൊവിഡ് കേസുകള് റിപ്പോര്ട്ട് ചെയ്യുന്നത്. നിലവില് 3,70,240 പേരാണ് ചികിത്സയിലുള്ളത്. ഇത് ഇതുവരെ റിപ്പോര്ട്ട് ചെയ്ത കേസുകളുടെ 0.87 ശതമാനമാണ്.
രാജ്യവ്യാപക പ്രതിരോധ കുത്തിവയ്പ്പ് പരിപാടിയുടെ ഭാഗമായി 173.86 കോടി ഡോസ് വാക്സിനാണ് ഇതുവരെ നല്കിയത്.
