ലക്‌നൗ: എല്ലാവര്‍ക്കും അവരവരുടെ ആഗ്രഹത്തിനും , താല്പര്യത്തിനും അനുസരിച്ച് വസ്ത്ര ധാരണം നടത്താനുള്ള സ്വാതന്ത്ര്യമുണ്ട്. എന്നാല്‍ ആ സ്വാതന്ത്ര്യത്തിന് പരിമിതി ഉണ്ടെന്നും യുപി മുഖ്യമന്ത്രി യോഗി ആദിത്യ നാഥ്.
ഓരോ സ്ഥാപനങ്ങളും ഏകീകൃത നിയമങ്ങള്‍ പാലിക്കണം. താന്‍ ഒരു പ്രത്യേക മതക്കാരനാണെന്നും അതിനനുസരിച്ച് വസ്ത്രം ധരിക്കുമെന്നും ഒരു പോലീസുകാരന്‍ പറഞ്ഞാല്‍ എന്തായിരിക്കും അവസ്ഥ . ആ സ്ഥാപനം കുഴപ്പത്തിലാവും .തന്റെ ഓഫീസില്‍ ജീവനക്കാര്‍ക്ക് യാതൊരു തരത്തിലുള്ള വസ്ത്ര നിയന്ത്രണവും കൊണ്ടുവരാന്‍ താന്‍ ആഗ്രഹിക്കുന്നില്ലെന്നും, തനിക്കതിന് സാധിക്കില്ലെന്നും യോഗി വ്യക്തമാക്കി . മുസ്ലിം സ്ത്രീകള്‍ ഹിജാബും,ബുര്‍ഖയും ധരിക്കുന്നത് സ്വന്തം ഇഷ്ട്ടപ്രകാരം അല്ലെന്നും, അവര്‍ അതിനു നിര്‍ബന്ധിക്കപ്പെടുകയാണെന്നും യോഗി ചൂണ്ടിക്കാട്ടി. എന്നാല്‍ ആ സ്വാതന്ത്ര്യം, പൊതു സ്ഥലങ്ങളിലും, മാര്‍ക്കറ്റിലും, വീടുകളിലുമായി പരിമിതമാണ്. ഓഫീസുകളിലും, ജോലി സ്ഥലത്തും ഇഷ്ട്മുള്ള വസ്ത്രം ധരിച്ചു പോവാന്‍ പരിമിതിയുണ്ടെന്നും യോഗി വ്യക്തമാക്കി.
ഇന്ത്യ ടുഡേക്ക് നല്‍കിയ അഭിമുഖത്തിലായിരുന്നു യോഗിയുടെ പ്രതികരണം. ‘ഒരു സ്ത്രീയും ഇഷ്ടപ്രകാരം ഹിജാബ് ധരിക്കില്ല. സ്ത്രീകള്‍ എപ്പോഴെങ്കിലും മുത്തലാഖ് ദുരാചാരം തിരഞ്ഞെടുത്തിട്ടുണ്ടോ? ആ പെണ്‍മക്കളോടും സഹോദരിമാരോടും ചോദിക്കൂ.’
‘ഞാന്‍ അവരുടെ കണ്ണുനീര്‍ കണ്ടു…അവരുടെ കഷ്ടപ്പാടിനെക്കുറിച്ച് പറയുമ്പോള്‍ അവരുടെ ബന്ധുക്കള്‍ കണ്ണീര്‍ പൊഴിക്കുന്നുണ്ടായിരുന്നു, ജോണ്‍പൂരില്‍ നിന്നുള്ള ഒരു സ്ത്രീ മുത്തലാഖ് നിര്‍ത്തലാക്കിയതിന് പ്രധാനമന്ത്രി നരേന്ദ്ര മോദിയോട് നന്ദി പറഞ്ഞിരുന്നു. യോഗി ആദിത്യനാഥ് പറഞ്ഞു.
കര്‍ണ്ണാടകയിലെ ചില വിദ്യാലയങ്ങളില്‍ ബുര്‍ഖയും, ഹിജാബും നിയന്ത്രിച്ചു കൊണ്ടുള്ള ഉത്തരവ് മുസ്ലിം മത മൗലികവാദികളെ പ്രകോപിപ്പിച്ചിരുന്നു . വിഷയം ദേശീയ തലത്തില്‍ ചര്‍ച്ചയായതോടെയാണ് യോഗി ആദിത്യ നാഥിന്റെ പ്രതികരണം. ഉത്തര്‍ പ്രദേശ് അടക്കമുള്ള സംസ്ഥാനങ്ങളിലെ തിരഞ്ഞെടുപ്പ് കഴിയുന്നത് വരെ ഹിജാബ് വിഷയത്തില്‍ ഉത്തരവ് പറയരുതെന്നാവശ്യപ്പെട്ട് ഹര്‍ജിക്കാര്‍ നേരത്തെ കോടതിയെ സമീപിച്ചിരുന്നു.
പ്രതികരിക്കാൻ ഇവിടെ എഴുതുക: