കോഴിക്കോട് : തിരുവനന്തപുരം മേയര്‍ ആര്യ രാജേന്ദ്രനും ബാലുശ്ശേരി എംഎല്എ കെ.എം. സച്ചിന്‍ ദേവും വിവാഹിതരാകുന്നു. സച്ചിന്റെ പിതാവ് കെ.എം. നന്ദകുമാറാണ് ഇക്കാര്യം അറിയിച്ചത്. വിവാഹ തിയതി സംബന്ധിച്ച് തീരുമാനം എടുത്തിട്ടില്ല. ഒരു മാസത്തിന് ശേഷം വിവാഹം നടത്താന്‍ ഇരു കുടുംബങ്ങളും തമ്മില്‍ ധാരണയിലെത്തിയതായി . നന്ദകുമാര്‍ അറിയിച്ചു.
ബാല സംഘം, എസ്എഫ്ഐ പ്രവര്‍ത്തനകാലത്തെ ഇരുവരുടേയും സൗഹൃദമാണ് ഇപ്പോള്‍ വിവാഹത്തിലേക്ക് എത്തിയിരിക്കുന്നത്. ഇത് ഇരു വീട്ടുകാരും അംഗീകരിക്കുകയായിരുന്നു. കാഴിക്കോട് നെല്ലിക്കോട് സ്വദേശിയാണ് സച്ചിന്‍ദേവ്. എസ്എഫ്ഐ അഖിലേന്ത്യാ ജോയിന്റ് സെക്രട്ടറി കൂടിയാണിപ്പോള്‍. എസ്എഫ്ഐ സംസ്ഥാന സെക്രട്ടറിയായിരിക്കെയാണ് കഴിഞ്ഞ നിയമസഭാ തെരഞ്ഞെടുപ്പില്‍ ബാലുശ്ശേരി മണ്ഡലത്തില്‍ നിന്നും സച്ചിന്‍ദേവ് ജയിക്കുന്നത്. നിയമസഭയിലെ ഏറ്റവും പ്രായം കുറഞ്ഞ എംഎല്എ
കോഴിക്കോട് ഗവണ്‍മെന്റ് ആര്‍ട്‌സ് കോളേജില്‍ നിന്നും ഇംഗ്ലീഷ് സാഹിത്യത്തില്‍ ബിരുദവും കോഴിക്കോട് ലോ കോളേജില്‍ നിന്നും നിയമ ബിരുദവും സച്ചിന്‍ ദേവ് നേടിയിട്ടുണ്ട്. തിരുവനന്തപുരം ഓള്‍ സെയിന്റ്‌സ് കോളേജില്‍ വിദ്യാര്‍ത്ഥിയായിരിക്കെ 21 ാം വയസ്സിലാണ് ആര്യ രാജേന്ദ്രന്‍ മേയര്‍ ആകുന്നത്.
രാജ്യത്തെ ഏറ്റവും പ്രായം കുറഞ്ഞ മേയര്‍. ബാല സംഘത്തിന്റെ സംസ്ഥാന പ്രസിഡന്റും എസ്എഫ്ഐ സംസ്ഥാന കമ്മിറ്റി അംഗവുമാണ് ആര്യ.
പ്രതികരിക്കാൻ ഇവിടെ എഴുതുക: