ഭോപ്പാല്‍ : മധ്യപ്രദേശില്‍ നിര്‍മാണത്തിലിരിക്കുന്ന തുരങ്കം തകര്‍ന്ന് ഒമ്പത് തൊഴിലാളികള്‍ അതില്‍ അകപ്പെട്ടു. കട്‌നി ജില്ലയിലെ സ്ലീമാബാദില്‍ കാര്‍ഗി കനാല്‍ പദ്ധതിയുടെ ഭാഗമായി നിര്‍മിച്ച തുരങ്കമാണ് തകര്‍ന്നുവീണത്. ഇതില്‍ അകപ്പെട്ട ഏഴ് തൊഴിലാളികളേയും രക്ഷപ്പെടുത്തി. രണ്ട് പേര്‍ക്കായി രക്ഷാ പ്രവര്‍ത്തനം നടത്തി വരികയാണ്.
ശനിയാഴ്ച വെകിട്ടോടെയാണ് അപകടം സംഭവിക്കുന്നത്. കനാല്‍ പദ്ധതിക്കായി നിര്‍മിച്ച തുരങ്കം തകര്‍ന്ന് വീഴുകയായിരുന്നു. പ്രദേശിക ഭരണകൂടവും സ്റ്റേറ്റ് ഡിസാസ്റ്റര്‍ എമര്‍ജന്‍സി റെസ്പോണ്‍സ് ഫോഴ്സുമാണ് രക്ഷാപ്രവര്‍ത്തനം നടത്തുന്നത്. ജബല്‍പുരില്‍ നിന്നാണ് എസ്ഡിഇആര്‍എഫ് സംഘവുമാണ് തുരങ്കത്തില്‍ അകപ്പെട്ട തൊഴിലാളികള്‍ക്കായി തെരച്ചില്‍ നടത്തുന്നത്.
മധ്യപ്രദേശ് അഡീഷണല്‍ ചീഫ് സെക്രട്ടറി രാജേഷ് രജോറയാണ് രക്ഷാപ്രവര്‍ത്തനം ഏകോപിപ്പിക്കുന്നത്. മറ്റൊരു കുഴി നിര്‍മിച്ചാണ് രണ്ടുപേരെ രക്ഷപ്പെടുത്താനുള്ള ശ്രമങ്ങളാണ് നടത്തി വരുന്നത്. വിഷയത്തില്‍ മുഖ്യമന്ത്രി ശിവരാജ് സിങ് ചൗഹാന്‍ അധികൃതരോട് വിശദീകരണം തേടി. രക്ഷപ്പെടുത്തിയ തൊഴിലാളികള്‍ക്ക് മതിയായ ചികിത്സ നല്‍കാന്‍ അദ്ദേഹം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: