വിനീത് ശ്രീനിവാസന്റെ കാറ്റാടി എന്ന മ്യൂസിക്ക് വീഡിയോയിലെ കുറുമ്പിപെണ്ണേ എന്നാരംഭിക്കുന്ന ഗാനം ഏറ്റെടുത്ത് ജനങ്ങള്‍. സോഷ്യല്‍ മീഡിയയില്‍ ഗാനം ഇപ്പോള്‍ ട്രെന്‍ഡിങ്ങായി കഴിഞ്ഞു. മലയാളത്തിലെ മുഖ്യധാരാ സിനിമകളുടെ അസോസിയേറ്റ് ഡയറക്ടറായി പ്രവര്‍ത്തിച്ചു വരുന്ന ജോണ്‍ കെ.പോളാണ് കാറ്റാടിയുടെ ആശയത്തിന് പിന്നില്‍. ഗാനരചനയും, സംവിധാനവും നിര്‍വഹിച്ചിരിക്കുന്നതും അദ്ദേഹം തന്നെയാണ്.
ട്രീം ബെഡ്‌സ് എന്റര്‍ടെയ്ന്‍മെന്റ് നിര്‍മിച്ച കാറ്റാടി സൈനമ്യൂസിക് വീഡിയോയാണ് റിലീസ് ചെയ്തത്. സോഷ്യല്‍ മീഡിയയില്‍ വൈറലായ ഷോര്‍ട്ട് ഫിലിമുകളിലൂടെ ശ്രദ്ധേയനായ അജോ എം. സാമുവല്‍ ആണ് കാറ്റാടിയില്‍ നായകന്‍. പിറന്നു വീണ നാടിനെ കെട്ടിപ്പുണരുന്ന ഒരു ചെറുപ്പക്കാരന്റെ കഥയാണ് കാറ്റാടിയിലൂടെ അവതരിപ്പിക്കുന്നത്. സ്വന്തം നാടിനോടുള്ള വൈകാരിക ബന്ധത്തിന്റെയും, കുടുംബ ബന്ധങ്ങളുടെയും, ബാല്യകാല സൗഹ്യദങ്ങളുടെയുമൊക്കെ ഹ്യദയസ്പര്‍ശിയായ ആവിഷ്‌കാരമാണ് കാറ്റാടി. എല്ലാത്തരം പ്രേക്ഷകരെയും ആകര്‍ഷിക്കുന്ന ഈ ആല്‍ബം ജനമനസില്‍ ഇടം നേടിക്കഴിഞ്ഞു.
പുതിയ മലയാള സിനിമകളിലൂടെ ഒരു പിടി ഹിറ്റ് ഗാനങ്ങള്‍ മലയാളത്തിന് സമ്മാനിച്ച എറിക്ക് ജോണ്‍സനാണ് കാറ്റാടിയിലെ ഗാനത്തിന് സംഗീതം നല്‍കിയിരിക്കുന്നത്. സൈന മ്യൂസിക്കിന്റെ ബാനറില്‍ ട്രീ ബെഡ്‌സ് എന്റര്‍ടെയ്‌നര്‍ നിര്‍മിക്കുന്ന കാറ്റാടിയുടെ ആശയം, ഗാനരചന, സംവിധാനം -ജോണ്‍ കെ.പോള്‍, സംഗീതം – എറിക്ക് ജോണ്‍സന്‍, ഛായാഗ്രഹണം- വിഷ്ണുപ്രസാദ്, എഡിറ്റിംഗ് – ഫിന്‍ ജോര്‍ജ് വര്‍ഗീസ്, പിആര്‍ഒ- അയ്മനം സാജന്‍
അജോ എം സാമുവേല്‍, പ്രമോദ് വെളിയനാട്, നോബിള്‍ ജോസ്, ജിപ്‌സണ്‍ റോച്ച, കുമാരി ഇവാനിയ നാഷ് എന്നിവര്‍ അഭിനയിക്കുന്നു.
പ്രതികരിക്കാൻ ഇവിടെ എഴുതുക: