തലശ്ശേരിയിൽ ആർഎസ്എസ് പ്രവർത്തകർക്ക് നേരെ സിപിഎം അക്രമം, ആക്രമണം കൂലോത്ത് ക്ഷേത്രത്തിലെ തിറ മഹോത്സവത്തിനിടെ

തലശ്ശേരി: പുന്നോൽ താഴെവയൽ കൂലോത്ത് ക്ഷേത്രത്തിലെ തിറ മഹോത്സവത്തിനിടെ ആർ എസ് എസ് പ്രവർത്തകർക്ക് നേരെ സിപിഎം അക്രമം. കഴിഞ്ഞ ദിവസം രാത്രി ക്ഷേത്രത്തിലെ തിറയും കഴിഞ്ഞ് വീട്ടിലേക്ക് മടങ്ങിയ പുന്നോലിലെ സജീവ ആർഎസ്എസ്, ബിജെപി പ്രവർത്തകരായ വിമിൻ, അമൽ, ദീപക്, അർജുൻ തുടങ്ങിയവരാണ് ആക്രമണത്തിന് ഇരയായത്.

അങ്കി സുരന്റെയും ഹരിദാസന്റെയും നേതൃത്വത്തിൽ മദ്യപിച്ചെത്തിയ സിപി എമ്മുകാർ യാതൊരു പ്രകോപനവും കൂടാതെ ആക്രമിക്കുകയായിരുന്നു. ക്ഷേത്ര മഹോത്സവം കാണാനെത്തിയ ആർഎസ്എസ് പ്രവർത്തകരെ അകാരണമായി മർദ്ദിച്ചതിൽ പ്രതിഷേധിച്ച് പുന്നോൽ മാധവമന്ദിരം പരിസരത്ത് നിന്നും പ്രതിഷേധ പ്രകടനം നടത്തി.  

ബിജെപി തലശ്ശേരി മണ്ഡലം പ്രസിഡൻ്റ് കെ ലിജേഷ്, യുവമോർച്ച മണ്ഡലം പ്രസിഡൻ്റ് വൈശാഖ്, ബിജെപി കോടിയേരി ഏരിയ പ്രസിഡൻ്റ് കെസി പ്രജീഷ്, സെക്രട്ടറി യു പ്രശാന്ത്, ആർ എസ് എസ് മണ്ഡൽ സേവാ പ്രമുഖ് സുമേഷ് തുടങ്ങിയവർ നേതൃത്വം നൽകി.