മുട്ടം: സുരക്ഷയ്‌ക്കായി സ്ഥാപിച്ച ഇരുമ്പു വേലി മരത്തിന്റെ അന്തകനാകുന്നു. പെരുമറ്റം മുസ്ലിം പള്ളിക്ക് സമീപം സംസ്ഥാന പാതയോരത്ത് നില്‍ക്കുന്ന വലിയ മരത്തെ ഇരുമ്പു വേലി വലിഞ്ഞുമുറുക്കി ശ്വാസം മുട്ടിക്കുന്നു.
മരത്തിന്റെ തൊലിയ്‌ക്കകത്തേക്ക് വേലിയുടെ ഭാഗം ആഴ്ന്നിന്നിറങ്ങി മരത്തിന് ഭീഷണിയായി മാറിയിട്ടുണ്ട് ഇരുമ്പു വേലി. പാതയോരങ്ങളില്‍ മരങ്ങള്‍ നട്ടുപിടിപ്പിക്കുമ്പോള്‍, മരത്തിന്റെ സംരക്ഷണക്കായി സ്ഥാപിക്കുന്ന ഇരുമ്പു വേലിയാണ് മരം വളരുമ്പോള്‍ മരത്തിന് ഭീഷണിയായി മാറുന്നത്.
മരം വളര്‍ന്ന് കഴിഞ്ഞാല്‍ ഇരുമ്പു വേലി മുറിച്ച് മാറ്റാത്തതാണ് മരങ്ങള്‍ക്ക് ഭീഷണിയാകുന്നത്. മരത്തിനെ വലിഞ്ഞുമുറുക്കിയിരിക്കുന്ന വേലി മുറിച്ച് മാറ്റണമെന്ന് നാട്ടുകാര്‍ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: