കൊല്ലം: എപിജെ അബ്ദുല്‍കലാമിന്റെ പേരില്‍ വ്യാജമായി ചാരിറ്റബിള്‍ സൊസൈറ്റി റിക്കാര്‍ഡുണ്ടാക്കി ചികിത്സാസഹായത്തിന്റെ മറവില്‍ വ്യാപകമായി പണപ്പിരിവ് നടത്തിവന്നയാള്‍ അറസ്റ്റില്‍. ഓയൂര്‍ ബിന്ദുസദനത്തില്‍ ബൈജു (46)ആണ് കണ്ണനല്ലൂര്‍ പോലീസിന്റെ പിടിയിലായത്.
ഇയാള്‍ കുളപ്പാടത്തുള്ള അന്‍സില്‍, കുടവട്ടൂരിലെ കാര്‍ത്തിക് എന്നീ കുട്ടികളുടെ ഫോട്ടോകള്‍ പതിച്ച അഭ്യര്‍ഥന തയ്യാറാക്കിയാണ് പണം പിരിച്ചുവന്നത്. പൂയപ്പള്ളി മൈലോടുള്ള നീതു എന്ന കുട്ടിയുടെ വിലാസവും മറ്റൊരു കുട്ടിയുടെ ഫോട്ടോ പതിച്ച സര്‍ട്ടിഫിക്കറ്റും കാണിച്ചാണ് പണപ്പിരിവ് നടത്തിയത്.
കഴിഞ്ഞ ദിവസം പള്ളിമണ്‍ സൗമ്യ ഭവനില്‍ ശ്യാമപ്രഭന്‍ എന്നയാളുടെ വീട്ടില്‍ പണപ്പിരിവിനെത്തിയപ്പോള്‍ സംശയം തോന്നി പോലീസിലറിയിച്ചു. തുടര്‍ന്നുള്ള അന്വേഷണത്തിലാണ് ഇയാള്‍ പിടിയിലായത്. ഇയാളെ റിമാന്റ് ചെയ്തു.
പ്രതികരിക്കാൻ ഇവിടെ എഴുതുക: