ന്യൂദല്‍ഹി : രാഷ്ട്രപതിയുടെ പോലീസ് മെഡലുകള്‍ പ്രഖ്യാപിച്ചു. സ്തുത്യര്‍ഹ സേവനത്തിനുള്ള മെഡല്‍ ഐജി സി. നാഗരാജു ഉള്‍പ്പടെ പത്ത് പേരാണ് കേരള പോലീസില്‍ നിന്നും അവാര്‍ഡിന് അര്‍ഹരായത്. രാജ്യത്ത് ആകെ 939 സേനാ അംഗങ്ങള്‍ക്കാണ് അവാര്‍ഡുള്ളത്.
എസ്പി ജയശങ്കര്‍ രമേഷ് ചന്ദ്രന്‍, ഡിവൈഎസ്പിമാരായ മുഹമ്മദ് കബീര്‍ റാവുത്തര്‍, വേണുഗോപാലന്‍ ആര്‍.കെ, ശ്യാം സുന്ദര്‍ ടി.പി., ബി. കൃഷ്ണകുമാര്‍, സിനീയര്‍ സിപിഒ ഷീബാ കൃഷ്ണന്‍കുട്ടി, അസ്റ്റിസ്റ്റ് കമ്മിഷണര്‍ എം.കെ ഗോപാലകൃഷ്ണന്‍, എസ്‌ഐ സാജന്‍ കെ. ജോര്‍ജ്ജ്, എസ്‌ഐ ശശികുമാര്‍ ലക്ഷമണന്‍ എന്നിവരാണ് പോലീസ് മെഡലിന് അര്‍ഹരായത്.
കൂടാതെ സിബിഐ തിരുവനന്തപുരം യൂണിറ്റിലെ ഡിവൈഎസ്പി ടി.പി അനന്ദകൃഷ്ണന്‍, അസം റൈഫിള്‍സിലെ ചാക്കോ പി. ജോര്‍ജ്ജ്, സുരേഷ് പ്രസാദ്, ബിഎസ്എഫിലെ മേഴ്സി തോമസ് എന്നിവര്‍ക്കും മെഡല്‍ ലഭിച്ചിട്ടുണ്ട്. സ്തുത്യര്‍ഹ സേവനത്തിനുള്ള ജയില്‍ വകുപ്പ് ജീവനക്കാര്‍ക്ക് ഉള്ള രാഷ്ട്രപതിയുടെ മെഡലുകള്‍ കേരളത്തിലെ മൂന്ന് ഉദ്യോഗസ്ഥര്‍ക്കും ലഭിച്ചിട്ടുണ്ട് ജോയിന്റ് സൂപ്രണ്ട് എന്‍ രവീന്ദ്രന്‍, ഡെപ്യുട്ടി സൂപ്രണ്ട് എ.കെ. സുരേഷ്, അസിസ്റ്റന്റ് സൂപ്രണ്ട് മിനിമോള്‍ പി.എസ്. എന്നിവര്‍ക്കാണ് മെഡല്‍.
ഫയര്‍ഫോഴ്സ് ജീവനക്കാര്‍ക്ക് ഉള്ള രാഷ്‌ട്രതിയുടെ മെഡല്‍ കേരളത്തില്‍ നിന്ന് അഞ്ച് പേര്‍ക്ക് കിട്ടി. വിശിഷ്ട സേവനത്തിനുള്ള മെഡല്‍ വിനോദ് കുമാര്‍ ടി., സതികുമാര്‍ കെ. എന്നിവര്‍ക്കും, സ്തുത്യര്‍ഹ സേവനത്തിനുള്ള മെഡല്‍ അശോകന്‍ കെ.വി., സുനി ലാല്‍ എസ്., രാമന്‍ കുട്ടി പി.കെ. എന്നിവരും അര്‍ഹരായി.
പ്രതികരിക്കാൻ ഇവിടെ എഴുതുക: