ന്യൂദല്‍ഹി : ഉത്തര്‍പ്രദേശിലെ മുഖ്യമന്ത്രി സ്ഥാനാര്‍ത്ഥി വിഷയത്തില്‍ അതിശയോക്തി നിറഞ്ഞരീതിയില്‍ വ്യാഖ്യാനിച്ചതെന്ന് കോണ്‍ഗ്രസ് നേതാവ് പ്രിയങ്ക വാദ്ര. കഴിഞ്ഞ ദിവസം നടന്ന വാര്‍ത്താ സമ്മേളനത്തില്‍ മുഖ്യമന്ത്രിയായി തന്റെ മുഖമല്ലാതെ മറ്റാരുടെയെങ്കിലും മുഖം കാണുന്നുണ്ടോയെന്ന പ്രിയങ്കയുടെ പ്രസ്താവന ചര്‍ച്ച ചെയ്യപ്പെട്ടിരുന്നു.
എന്നാല്‍ യുപിയിലെ കോണ്‍ഗ്രസ്സിന്റെ മുഖ്യമന്ത്രി സ്ഥാനാര്‍ത്ഥി താനാണെന്ന് പറഞ്ഞിട്ടില്ല. പാര്‍ട്ടിയാണ് ഇക്കാര്യം നിശ്ചയിക്കുന്നത്. മാധ്യമ പ്രവര്‍ത്തകര്‍ ഇക്കാര്യം തന്നെ വീണ്ടും വീണ്ടും ആവര്‍ത്തിച്ച് തന്നെ പ്രകോപിപ്പിച്ചതിനെ തുടര്‍ന്നാണ് തന്റെ മുഖമല്ലാതെ മറ്റാരുടെയെങ്കിലും മുഖം കാണുന്നുണ്ടോയെന്ന് മറുപടി നല്‍കിയതെന്നാണ് പ്രിയങ്ക ഇപ്പോള്‍ മറുപടി നല്‍കുന്നത്.
രാഹുല്‍ ഗാന്ധിക്കൊപ്പം കോണ്‍ഗ്രസ്സിന്റെ യുവജന പത്രിക പുറത്തിറക്കുന്നതിനിടയിലാണ് പ്രിയങ്കയുടെ പ്രസ്താവന പുറത്തുവന്നത്. ഇത് മാധ്യമങ്ങള്‍ ഏറ്റെടുക്കുകയും ചര്‍ച്ചചെയ്യപ്പെടുകയും ചെയ്തതോടെയാണ് പ്രിയങ്കയുടെ പുതിയ നീക്കം. നിയമസഭാ തെരഞ്ഞെടുപ്പ് സീറ്റ് വിഭജനത്തില്‍ 40 ശതമാനം വനിതകള്‍ക്ക് പ്രാധാന്യം നല്‍കുമെന്ന് കോണ്‍ഗ്രസ് ഇത്തവണ പ്രഖ്യാപിച്ചിരുന്നു.
പ്രതികരിക്കാൻ ഇവിടെ എഴുതുക: