വടകര: തുടര്‍ച്ചയായ കൊലപാതകങ്ങള്‍ക്കു ശേഷവും കൊലവിളി പ്രസംഗങ്ങളുമായി പോപ്പുലര്‍ ഫ്രണ്ട്. നാദാപുരത്ത് ഹിന്ദു ഐക്യവേദി നേതാക്കള്‍ക്കെതിരേ പരസ്യമായി കൊലവിളി നടത്തി പൊതുയോഗം നടന്നു. ജനുവരി 14ന് സംഘടിപ്പിച്ച യോഗത്തിലാണ് ബാസിത് ആല്‍വി എന്ന പിഎഫ്‌ഐ നേതാവ് പരസ്യമായി കൊലവിളി നടത്തിയത്. ഹിന്ദുഐക്യവേദി സംസ്ഥാന വര്‍ക്കിങ് പ്രസിഡന്റ് വത്സന്‍ തില്ലങ്കേരിയെയും കോഴിക്കോട് ജില്ലാ വര്‍ക്കിങ് പ്രസിഡന്റ് രാജേഷ് നാദാപുരത്തെയും വധിക്കാന്‍ ആഹ്വാനം ചെയ്തായിരുന്നു പ്രസംഗം.
സുരക്ഷയില്‍ കഴിയുന്ന വത്സന്‍ തില്ലങ്കേരിക്ക് എല്ലാക്കാലത്തും സുരക്ഷാ സംവിധാനമുണ്ടാവില്ലെന്നും അതില്ലാതാകുന്ന കാലം പോപ്പുലര്‍ ഫ്രണ്ട്, ഷാന്‍ സാഹിബിന്റെ നീതി നടപ്പാക്കുമെന്നുമായിരുന്നു പ്രസംഗം. സുരക്ഷയൊന്നുമില്ലാതെയാണ് രാജേഷ് നാദാപുരം നടക്കുന്നതെന്നും പ്രസംഗത്തില്‍ സൂചിപ്പിക്കുന്നു. വധഭീഷണിക്കെതിരേ ഹിന്ദുഐക്യവേദി നാദാപുരം ഡിവൈഎസ്പിക്ക് പരാതി നല്കി.
പ്രതികരിക്കാൻ ഇവിടെ എഴുതുക: