പോത്തന്‍കോട് : പോത്തന്‍കോട് കാട്ടായിക്കോണം റോഡില്‍ കാറുകള്‍ തമ്മില്‍ കൂട്ടിയിടിച്ച് പാമ്പ് പിടുത്തക്കാരന്‍ വാവ സുരേഷിന് പരിക്ക്. ഇടിയുടെ ആഘാതത്തില്‍ പരിക്കേറ്റ വാവ സുരേഷിനെ മെഡിക്കല്‍കോളേജ് ആശുപത്രിയില്‍ പ്രവേശിപ്പിച്ചു. പോത്തന്‍കോട് കാട്ടായിക്കോണം റോഡില്‍ സഫര്‍ലാന്റ് ഹോട്ടലിന് സമീപമാണ് അപകടം.
വാവ സുരേഷ് സഞ്ചരിച്ച കാര്‍ പോത്തന്‍കോട് നിന്നും കാട്ടായിക്കോണം ഭാഗത്തേയ്‌ക്ക് പോകുന്നതിനിടെ എതിര്‍ ദിശയില്‍ ടിപ്പര്‍ ലോറിയെ മറികടന്ന് വന്ന കാറുമായി കൂട്ടിയിടിക്കുകയായിരുന്നു. കാറുകളില്‍ ഉണ്ടായിരുന്ന സ്ത്രീകള്‍ ഉള്‍പ്പെടെയുള്ള മറ്റ് യാത്രക്കാര്‍ക്കും പരിക്കുകളുണ്ട്. പരിക്കേറ്റവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: