റാഞ്ചി: കങ്കണ റണാവത്തിന്റെ കവിളുകളെക്കാള് മനോഹരവും മിനുസമുള്ളതുമായ റോഡുകള് ഉണ്ടാക്കുമെന്ന വിവാദ പ്രസ്താവനയുമായി കോണ്ഗ്രസ് എംഎല്എ ഇന്ഫാന് അന്സാരി. സമൂഹമാദ്ധ്യമങ്ങളില് ഇര്ഫാന് ഇങ്ങനെ പറയുന്നതിന്റെ വീഡിയോയും വ്യാപകമായി പ്രചരിക്കുന്നുണ്ട്.
‘നിങ്ങള്ക്ക് ഞാന് ഉറപ്പ് തരുന്നു, ജമാത്രയിലെ റോഡുകള് കങ്കണയുടെ കവിളുകളെക്കാള് മിനുസമുള്ളതായിരിക്കും. ഇത്തരത്തില് ലോകോത്തര നിലവാരമുള്ള പതിനാലോളം റോഡുകളുടെ നിര്മ്മാണം ജമാത്രയില് ഉടന് ആരംഭിക്കുമെന്നും’ ഇര്ഫാന് പറഞ്ഞു. വഴികളില് നിറയെ പൊടിയാണ്, അതുമൂലമുണ്ടാകുന്ന പ്രശ്നങ്ങള് കാരണം ജനങ്ങള് വലയുകയാണ്. അതിനാല് പുതിയ റോഡുകള് പണിയുമെന്നും അദ്ദേഹം പറഞ്ഞു. ഇര്ഫാന്റെ പരാമര്ശത്തിനെതിരെ കടുത്ത വിമര്ശനം സോഷ്യല് മീഡിയയില് ശക്തമാകുന്നുണ്ട്.
