കോട്ടയം: സിപിഎമ്മിന്റെ അഖിലേന്ത്യാ നേതാവ് എസ്. രാമചന്ദ്രന്പിള്ളയുടെ ചൈന അനുകൂല പ്രസംഗത്തിനെതിരെ കേരള കോണ്ഗ്രസ് വര്ക്കിംഗ് ചെയര്മാനും മുന് കേന്ദ്രമന്ത്രിയുമായ പി.സി. തോമസ്. എസ്. രാമചന്ദ്രന്പിള്ളയുടെ പരാമര്ശങ്ങള് രാജ്യവിരുദ്ധം.
സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും എസ്. രാമചന്ദ്രന്പിള്ളയെ പിന്തുണച്ചു കഴിഞ്ഞു. ചൈനയെ അനുകൂലിച്ചും ഇന്ത്യയെ പ്രതികൂലിച്ചും പണ്ട് ഇഎംഎസ് പറഞ്ഞ പ്രസ്താവനയുടെ പേരില് അദ്ദേഹം ജയിലറ എണ്ണിയത് ഈ നേതാക്കള് ഓര്ക്കുന്നുണ്ടോ എന്നറിയില്ലെന്നും പി.സി. തോമസ് പറഞ്ഞു. അതാണ് നയമെങ്ങില് വ്യക്തമാക്കണം. ഇന്ത്യന് നിയമമനുസരിച്ചുഉള്ള ശിക്ഷ ഏറ്റുവാങ്ങാനും പാര്ട്ടിക്കാര്ക്ക് മുഴുവന് അവസരമുണ്ടാക്കിക്കൊടുക്കുവാനും നേതാക്കള് തയ്യാറാകണമെന്നും തോമസ് വിമര്ശിച്ചു.
കഴിഞ്ഞ ദിവസം, ചൈന അരുണാചല്പ്രദേശിലെ 15 സ്ഥലങ്ങളുടെ പേരിട്ടതിനെപ്പറ്റിയുള്ള സിപിഎമ്മിന്റെ അഭിപ്രായവും വ്യക്തമാക്കുന്നത് നന്നായിരിക്കുമെന്ന് തോമസ് പറഞ്ഞു. ചികിത്സക്കായി മുഖ്യമന്ത്രി അമേരിക്കയ്ക്കു പോകുന്നതിനു പകരം ചൈനയ്ക്ക് പോകുന്നതിനെപ്പറ്റി ആലോചിക്കണമെന്നും തോമസ് അഭിപ്രായപ്പെട്ടു.
