മേടക്കൂറ്: അശ്വതി, ഭരണി, കാര്ത്തിക (¼)
അര്ഹമായ പൂര്വിക സ്വത്ത് രേഖാപരമായി ലഭിക്കും. അപകീര്ത്തി ഒഴിവാക്കുവാന് അധികാരം ഉപേക്ഷിക്കും. കുടുംബത്തില് സ്വസ്ഥതയും സമാധാനവും ഉണ്ടാകും.
ഇടവക്കൂറ്: കാര്ത്തിക (¾), രോഹിണി, മകയിരം (½)
ആത്മാര്ത്ഥമായ പ്രവര്ത്തനങ്ങളാല് ലക്ഷ്യപ്രാപ്തി കൈവരിക്കും. പ്രവര്ത്തനമേഖലകളില്നിന്നും സാമ്പത്തിക നേട്ടമുണ്ടാകും. മേലധികാരിയോട് ആദരവ് തോന്നും.
മിഥുനക്കൂറ്: മകയിരം (½), തിരുവാതിര, പുണര്തം (¾)
സമൂഹത്തില് ഉന്നതരുമായി സൗഹൃദത്തിലേര്പ്പെടുവാന് അവസരമുണ്ടാകും. ഭക്ഷ്യവിഷബാധയേല്ക്കാതെ സൂക്ഷിക്കണം. നിര്ണായക തീരുമാനങ്ങള് കൈക്കൊള്ളുവാന് സുഹൃദ് സഹായം തേടും.
കര്ക്കടകക്കൂറ്: പുണര്തം (¼), പൂയം, ആയില്യം
ആനുകൂല്യങ്ങളും സ്ഥാനമാനങ്ങളും വര്ധിക്കുന്ന ഉദ്യോഗത്തിന് നിയമനാനുമതി ലഭിക്കും. വിശ്വാസ വഞ്ചനയിലകപ്പെടാതെ സൂക്ഷിക്കണം. വ്യവസ്ഥകളില്നിന്നും വ്യതിചലിക്കരുത്.
ചിങ്ങക്കൂറ്: മകം, പൂരം, ഉത്രം (¼)
ഏറ്റെടുത്ത ജോലികള് നിശ്ചിത കാലയളവിനുള്ളില് ചെയ്തു തീര്ക്കുവാന് സാധിച്ചതിനാല് പുതിയ കരാറുകള് ലഭിക്കും. മേലധികാരിയുടെ ആവശ്യങ്ങള്ക്കു ദൂരയാത്രകള് വേണ്ടിവരും. കടപ്പാടുകള് മറക്കാതെ പ്രവര്ത്തിക്കുന്നതിനാല് ക്രമേണ ഉന്നതിയുണ്ടാകും.
കന്നിക്കൂറ്: ഉത്രം (¾), അത്തം, ചിത്തിര (½)
പ്രവൃത്തി മണ്ഡലങ്ങളില്നിന്നും സാമ്പത്തിക നേട്ടം വര്ധിക്കും. വ്യവസ്ഥകള്ക്കതീതമായി പ്രവര്ത്തിക്കുവാന് സാധിക്കുന്നതിനാല് ആശ്വാസം തോന്നും. അവധിയെടുത്ത് വിശേഷപ്പെട്ട ദേവാലയ ദര്ശനം നടത്തും.
തുലാക്കൂറ്: ചിത്തിര (½), ചോതി, വിശാഖം (¾)
സാമ്പത്തിക ക്രയവിക്രയ പുതിയ ഉദ്യോഗത്തിന് അവസരം ലഭിക്കും. കുടുംബജീവിതത്തില് സന്തുഷ്ടിയും സമാധാനവും ഉണ്ടാകും. ഊഹാപോഹങ്ങള് പലതും കേള്ക്കുവാനിടവരും.
വൃശ്ചികക്കൂറ്: വിശാഖം (¼), അനിഴം, തൃക്കേട്ട
ഉപരിപഠനത്തിന്റെ ഭാഗമായി പദ്ധതി സമര്പ്പണത്തിനു തയ്യാറാകും. വ്യവസ്ഥകള് പാലിക്കുവാന് അഹോരാത്രം പ്രയത്നിക്കേണ്ടിവരും. പക്വതയുള്ള പുത്രന്റെ സമീപനത്തില് ആശ്വാസം തോന്നും.
ധനുക്കൂറ്: മൂലം, പൂരാടം, ഉത്രാടം (¼)
ഏറ്റെടുത്ത ചുമതലകള് ചെയ്തു തീര്ക്കുവാന് അത്യധ്വാനം വേണ്ടിവരും. പ്രത്യുപകാരം ചെയ്യുവാന് അവസരമുണ്ടാകും. അസാധ്യമെന്നു കരുതുന്ന കാര്യങ്ങള് നിഷ്പ്രയാസം സാധിക്കും.
മകരക്കൂറ്: ഉത്രാടം (¾), തിരുവോണം, അവിട്ടം (½)
പകര്ച്ചവ്യാധി പിടിപെടും. സന്ധി സംഭാഷണത്തില് മധ്യസ്ഥ സ്ഥാനം വഹിക്കുവാനിടവരും. യാത്രാക്ലേശം വര്ധിക്കും. ആനുകൂല്യങ്ങളും സ്ഥാനമാനങ്ങളും വര്ധിക്കും.
കുംഭക്കൂറ്: അവിട്ടം (½), ചതയം, പൂരുരുട്ടാതി (¾)
ഭൂമി ക്രയവിക്രയങ്ങളില് പണം മുടക്കും. നിശ്ചിതകാലയളവിനു മുന്പ് ഉദ്യോഗത്തില് നിന്നും വിരമിക്കുവാന് തീരുമാനിക്കും. അറിയാതെ ചെയ്തുപോയ തെറ്റിന് പ്രായശ്ചിത്തം ചെയ്യുവാന് അവസരമുണ്ടാകും.
മീനക്കൂറ്: പൂരുരുട്ടാതി (¼), ഉതൃട്ടാതി, രേവതി
സന്താനങ്ങളുടെ ഉപരിപഠനം ഉദ്ദേശിക്കുന്ന വിധത്തില് സാധിച്ചതില് മനസ്സമാധാനമുണ്ടാകും. മേലധികാരിയുടെ ദുസ്സംശയങ്ങള്ക്കു വിശദീകരണം നല്കേണ്ടിവരും. മുടങ്ങിക്കിടക്കുന്ന വഴിപാടുകള് ചെയ്തുതീര്ക്കുവാനിടവരും.
ജന്മഭൂമി ഓണ്ലൈന്