കൊല്ലത്ത് നടുറോഡിൽ യുവാവിന് ക്രൂരമർദനം; രണ്ടു പേർ കസ്റ്റഡിയിൽ, ഗുരുതര പരിക്കേറ്റ യുവാവ് ആശുപത്രിയിൽ ചികിത്സയിൽ

കൊല്ലം: ചാത്തന്നൂരിൽ പ‌ട്ടാപ്പകൽ നടുറോഡിൽ വച്ച് യുവാവിന് ക്രൂരമർദനം. സ്വകാര്യ ബസ് ജീവനക്കാർ തമ്മിലുള്ള തർക്കം കയ്യാങ്കളിയിൽ കലാശിക്കുകയായിരുന്നു. പ്രസാദ് എന്നയാൾക്കാണ് മർദനമേറ്റത്.  

രണ്ട് ദിവസം മുൻപാണ് സംഭവം നടന്നത്. നടുറോഡിൽ വച്ച് മൂന്ന് പേർ ചേർന്ന് പ്രസാദിനെ ആക്രമിക്കുകയായിരുന്നു. ഗുരുതര പരിക്കേറ്റ പ്രസാദ് ആശുപത്രിയിൽ ചികിത്സയിലാണ്.  പ്രസാദിന്റെ പരാതിയിൽ ഷഹനാസ്, സുൽഫി എന്നിവരെ പോലീസ് കസ്റ്റഡിയിലെടുത്തു.  

ഒരാൾ ഒളിവിലാണ്. ഇയാളെ കണ്ടെത്താൻ പോലീസ് അന്വേഷണം തുടരുകയാണ്.