മംഗളൂരു: ഐസ് ബന്ധം കണ്ടെത്തിയതിനെ തുടര്ന്ന് മംഗലാപുരം സ്വദേശിനിയെ അറസ്റ്റ് ചെയ്ത് എന്ഐഎ. ള്ളാള് മാസ്തിക്കട്ടെ ബിഎം കോമ്പൗണ്ട് ആയിഷാബാഗില് അനസ് അബ്ദുള് റഹ്മാന്റെ ഭാര്യ മറിയയാണ് അറസ്റ്റിലായത്. കോണ്ഗ്രസ് മുന് എംഎല്എ ഇദിനബ്ബയുടെ പൗത്രന്റെ ഭാര്യയാണ് മറിയ.
ദിവസങ്ങള്ക്ക് മുമ്പ് ഇവരുടെ ഭര്തൃസഹോദരപുത്രനെ അറസ്റ്റ് ചെയ്തിരുന്നു. മറിയത്തെ നിരന്തരം നിരീക്ഷിച്ച എന്ഐഎ ഐസ് ബന്ധം കണ്ടെത്തുകയായിരുന്നു. ഐഎസ് ആശയങ്ങളുടെ യുട്യൂബ് ലിങ്കുകളും മറ്റും പ്രചരിപ്പിക്കുകയും സംഘടനയിലേക്ക് ആളുകളെ റിക്രൂട്ട് ചെയ്യുകയും ചെയ്തതായി ഏജന്സി കണ്ടെത്തിയിട്ടുണ്ടെന്നാണ് സൂചന.
ദീപ്തി മര്ള എന്ന മറിയ, അനസ് അബ്ദുള് റഹ്മാനെ പരിചയപ്പെട്ട് വിവാഹം കഴിക്കുന്നതോടെയാണ് ഇസ്ലാമാകുന്നത്. കുടക് സ്വദേശിനിയായ ഇവര് മംഗലാപുരത്ത് പഠനത്തിനെത്തിയപ്പോഴായിരുന്നു മുന് കോണ്ഗ്രസ് എംഎല്എയുടെ മകന്റെ മകനായ അനസിനെ പരിചയപ്പെടുന്നത്.
